影片
更多
2019-03-02
920 瀏覽
所謂「揸得刀叉多，筷子易生疏」（迷），所以今次終於處男下海第一次介紹中式素餐館。 話說今次掃左去黃大仙既大自然素食，其實佢真係好大自然，皆因好多大自然有既動物佢都有，例如有雞又有豬又有牛又有魚，咁當然，師主請放心，啲肉全部都係素肉黎，好在佢冇素穿山甲呀，冇素熊掌呢啲珍禽異獸。個殼又如何呢？雖然佢個名叫大自然素食，但其實入到去，一啲大自然既感覺都係冇既。不過佢又唔係好傳統果啲齋舖酒樓設計，都算係新式素餐館。地方又幾寬敞，唔會好迫，冇自然清風，卻有人造冷風，坐得都幾舒服架。殼呢啲表面野黎既者，最緊要有心。一打開個真身（menu），你就知佢地幾有心，幾用心良苦咁去為你製作素肉菜式，基乎令你忘卻自己正置身於一間素菜餐館！啲雞有手有腳架（個形）！但最勁既係佢唔單只識整「熟肉」，重可以處理「生肉」－剌身。當然，不嬲唔多中意肉名既素菜既我係唔會叫啦。不過呢個的確係呢到既賣點之一，亦都多人叫。都係講番啲食得既野先，今次一叫就叫左六樣野咁多：(1) 法式牛油果焗多士(2) 原盅竹笙素翅燉椰皇(3) 原隻菠蘿海鮮焗飯(4) 薑蓉炒翡翠苗(5) 鮮竹粒班腩豆腐煲(6) 農家燒焗竹筒飯先有黎自「法國」小食fe
話說今次掃左去黃大仙既大自然素食，其實佢真係好大自然，皆因好多大自然有既動物佢都有，例如有雞又有豬又有牛又有魚，咁當然，師主請放心，啲肉全部都係素肉黎，好在佢冇素穿山甲呀，冇素熊掌呢啲珍禽異獸。
個殼又如何呢？雖然佢個名叫大自然素食，但其實入到去，一啲大自然既感覺都係冇既。不過佢又唔係好傳統果啲齋舖酒樓設計，都算係新式素餐館。地方又幾寬敞，唔會好迫，冇自然清風，卻有人造冷風，坐得都幾舒服架。
殼呢啲表面野黎既者，最緊要有心。一打開個真身（menu），你就知佢地幾有心，幾用心良苦咁去為你製作素肉菜式，基乎令你忘卻自己正置身於一間素菜餐館！啲雞有手有腳架（個形）！但最勁既係佢唔單只識整「熟肉」，重可以處理「生肉」－剌身。當然，不嬲唔多中意肉名既素菜既我係唔會叫啦。不過呢個的確係呢到既賣點之一，亦都多人叫。
都係講番啲食得既野先，今次一叫就叫左六樣野咁多：
(1) 法式牛油果焗多士
(2) 原盅竹笙素翅燉椰皇
(3) 原隻菠蘿海鮮焗飯
(4) 薑蓉炒翡翠苗
(5) 鮮竹粒班腩豆腐煲
(6) 農家燒焗竹筒飯
法式牛油果焗多士
39 瀏覽
0 讚好
0 留言
先有黎自「法國」小食feel既法式牛油果焗多士。但其實小食得黎都唔細，就好似鬼佬size細碼可能都夠香港成年男人著咁。
加上素食界中神級恩物牛油果，比起一般用芝士牛油焗，更香更健康，個身重卜卜聲咁脆！
原盅竹笙素翅燉椰皇
61 瀏覽
0 讚好
0 留言
跟住呢位佳麗夠哂猪圓肉潤。豬圓係講佢既身形，肉潤係真係講緊佢又潤又補。一的起佢個頭，啲煙就係裡面爆出黎，湯，都係要夠熱先好飲既！
目測下有竹笙、紅棗、魚翅瓜、椰肉。飲落清甜，巧舒服（心）
原隻菠蘿海鮮焗飯
44 瀏覽
0 讚好
0 留言
之後都係圓圓地身形既野－原隻菠蘿海鮮焗飯。個菠蘿唔算大，不過啲飯都幾高，個面有啲唔係肉鬆既肉鬆，飯內有唔係蟹肉既蟹肉（蒟蒻），亦當然有真菠蘿既菠蘿。對於鍾意菠蘿既人黎講，好食得黎又可能未必夠喉，而且如果唔係用白米會更好。
薑蓉炒翡翠苗
55 瀏覽
0 讚好
0 留言
雖然有「人多唔一定係好」既道理，不過「翠苗BB」多就一定正。就好似呢個薑蓉炒翡翠苗咁，絕對係我既私人偏愛，每次黎都會叫！簡單又清香，一堆堆夾起黎送飯，真係……翠苗BB，我愛妳！
鮮竹粒班腩豆腐煲
71 瀏覽
0 讚好
0 留言
跟住係港味濃既鮮竹粒班腩豆腐煲。其實無論色香味都同一般既班腩豆腐煲一樣，班腩都係冇石班腩，而係麵根。另有紅綠椒、芹菜條、重有桃。送飯不錯。
農家燒焗竹筒飯
28 瀏覽
0 讚好
0 留言
跟住呢條長條形既野，真係用左我少少人生時間思考介唔介紹好。因為佢真係好神。當佢成碌竹咁拎到黎既時候，加上一打開就噴出黎既白煙，讓我馬上心動。
但隨住我通爽既鼻孔，好快就發現好似少左一種應該有既味，呢個亦都係佢最神既地方：唔知佢用左咩方法，用成支竹包住黎焗，而係可以完全無竹味！
總括黎講，呢到有悲亦有喜～其實啲野都係好食既。至於豬牛羊魚呢，另一個角度睇，對於唔係素食既朋友仔，係一個好好既「中介」，如果唔係，一打開menu，就可能會話：「全部草黎既！？」而且，當我岩岩開始接觸素食既時候，都係好中意呢間——大自然素食
張貼
