Soo Viet (已結業)

望落去一啲都唔起眼，好似一般嘅茶餐廳，不過三十幾蚊有午市套餐，揀咗越南生牛河和雞絲河，牛骨湯底比較淡，不過冇味精，鮮蝦豬肉粉卷就冇乜特別，好似淨食緊米粉咁，追加咗越南咖啡，成set係你面前，睇啲香濃嘅越南咖啡慢慢滴落嚟，雖然地方好普通，但係都不失品味，唔會求求其其，睇落仲好豐富，唔係話超好味，份量都OK，總算食得飽，最重要係價錢唔貴，做得幾有心。不過坐喺最入面嗰張枱，有一陣臭味，可能係舊樓嘅關係，希望可以改善一下。