影片
更多
2018-07-30
217 瀏覽
平時黎加州大廈做gym多，好少係呢度食飯，今晚就嚟咗Fumi同舊同學聚舊。入到嚟環境好舒服，好闊落，右手邊係bar台，左手邊同中間嘅位置就係枱，枱面上嘅擺設簡潔。今晚我哋order咗- 湯葉海膽配芥末醬汁 見到海膽已經抵抗唔到，好吸引，整到細細杯咁，勁得意。除咗賣相好，味道都相當好架，白色一層層果d係新鮮腐皮，好juicy，有少少湯索咗汁，好有豆味，仲有少少wasabi汁，令到海膽嘅味道更加突出，好好味呀！- 伊勢龍蝦海膽湯葉卷 上到枱係好大隻嘅龍蝦呀，師傅將龍蝦肉取出同海膽一齊用腐皮包住嚟炸，外脆內軟，炸完唔會無咗龍蝦同海膽嘅鮮味，好好食！另外仲有其他天婦羅，包括秋葵同蕃薯。- 刺身拼盤我哋3個都好鍾意食刺身，今次又點少得刺身，上到枱好靚，有帶子，吞拿魚，劍魚等等，好鮮甜，仲用咗食用花嚟伴碟tim! - 照燒宮崎A4和牛西冷配壽喜燒汁伴溫泉蛋厚厚嘅和牛煎得好香，入口即溶嘅感覺，牛油味係口腔入面打轉，口感同味道都好好！側邊嘅伴菜亦都出色，豆腐好滑亦索左壽喜燒汁味！- 山形縣黑澤農園白雪女王米伴高知四萬十川鰻魚第一次見用木桶裝鰻魚飯，一開蓋就聞到好香嘅鰻魚汁味同埋飯香，鰻魚厚厚的，而且
- 湯葉海膽配芥末醬汁
見到海膽已經抵抗唔到，好吸引，整到細細杯咁，勁得意。除咗賣相好，味道都相當好架，白色一層層果d係新鮮腐皮，好juicy，有少少湯索咗汁，好有豆味，仲有少少wasabi汁，令到海膽嘅味道更加突出，好好味呀！
- 伊勢龍蝦海膽湯葉卷
上到枱係好大隻嘅龍蝦呀，師傅將龍蝦肉取出同海膽一齊用腐皮包住嚟炸，外脆內軟，炸完唔會無咗龍蝦同海膽嘅鮮味，好好食！另外仲有其他天婦羅，包括秋葵同蕃薯。
- 刺身拼盤
我哋3個都好鍾意食刺身，今次又點少得刺身，上到枱好靚，有帶子，吞拿魚，劍魚等等，好鮮甜，仲用咗食用花嚟伴碟tim!
- 照燒宮崎A4和牛西冷配壽喜燒汁伴溫泉蛋
厚厚嘅和牛煎得好香，入口即溶嘅感覺，牛油味係口腔入面打轉，口感同味道都好好！側邊嘅伴菜亦都出色，豆腐好滑亦索左壽喜燒汁味！
- 山形縣黑澤農園白雪女王米伴高知四萬十川鰻魚
第一次見用木桶裝鰻魚飯，一開蓋就聞到好香嘅鰻魚汁味同埋飯香，鰻魚厚厚的，而且肉質鬆化，再配上山形縣黑澤農園白雪女王米，軟熟得來有d煙韌，仲有少少飯焦係底，有啲似食煲仔飯嘅感覺， 好好味！
張貼
