影片
更多
2019-06-05
126 瀏覽
鍾意食Omakase，原因係夠晒神秘感，食完每道菜，充滿滿足感中又期待下一道菜。而且食親都係時令食材，絕對係靚嘢。今日就去咗灣仔嘅UN O食Omakase，係一個識食之人介紹，話食出傳統兼創新並重，一定要試喎。Omakase除咗食材之外，食具都非常講究。茶壺係精美嘅錘紋玻璃茶壺，下面仲有蠟燭座熱，除咗保溫之外，燭光經過玻璃散發出柔和嘅光線，心情即時舒坦咗。之後店員仲攞咗一盤唔同款式顏色嘅茶杯俾我哋㨂，每款都精緻又高雅，點可以唔同茶壺嚟個大合照？茶壺入面嘅茶亦非泛泛之輩，原來係櫻花茶嚟架；飲落淡淡櫻花嘅芳香，好似飲住茶賞緊櫻花咁。前菜係【黑魚子配蝦】、【金箔海膽梅子麵】、【合桃波菜】。用三個小木盒裝，好natural。鍾意食海膽嘅我緊係先食金箔海膽梅子麵，一啖扒晒入口，海膽非常鮮甜，配搭梅子味酸酸甜甜又幾夾。到刺身環節啦【深海池魚】好嫩滑；【金目鯛】就魚肉味清香；【中拖羅】就中間夾咗香蔥提味，將魚味提升。最後係【帶子海膽三文魚籽】三種都係我好鍾意嘅食材，夾雜香蔥、洋蔥、紫菜，好食！【伊佐目】就好特別，師傅將魚肉放喺一塊粉紅色嘅岩鹽上面搵火槍燒，食落有微焦香味之餘，仲有燒到魚油出晒嚟嘅魚油
Omakase除咗食材之外，食具都非常講究。茶壺係精美嘅錘紋玻璃茶壺，下面仲有蠟燭座熱，除咗保溫之外，燭光經過玻璃散發出柔和嘅光線，心情即時舒坦咗。之後店員仲攞咗一盤唔同款式顏色嘅茶杯俾我哋㨂，每款都精緻又高雅，點可以唔同茶壺嚟個大合照？
茶壺入面嘅茶亦非泛泛之輩，原來係櫻花茶嚟架；飲落淡淡櫻花嘅芳香，好似飲住茶賞緊櫻花咁。
前菜係【黑魚子配蝦】、【金箔海膽梅子麵】、【合桃波菜】。用三個小木盒裝，好natural。鍾意食海膽嘅我緊係先食金箔海膽梅子麵，一啖扒晒入口，海膽非常鮮甜，配搭梅子味酸酸甜甜又幾夾。
到刺身環節啦
【深海池魚】好嫩滑；【金目鯛】就魚肉味清香；【中拖羅】就中間夾咗香蔥提味，將魚味提升。最後係【帶子海膽三文魚籽】三種都係我好鍾意嘅食材，夾雜香蔥、洋蔥、紫菜，好食！
【伊佐目】就好特別，師傅將魚肉放喺一塊粉紅色嘅岩鹽上面搵火槍燒，食落有微焦香味之餘，仲有燒到魚油出晒嚟嘅魚油香，係我食過最好食嘅火炙刺身。
一品料理首先係蝦天婦羅。Omakase嘅天婦羅當然唔簡單，亮麗金色碟上面係四隻炸到金黃色嘅蝦天婦羅，仲有炸成扇狀嘅梅子麵伴碟，個攞碟認真吸睛。蝦除咗原味外其他三隻分別用腐皮、咸蛋、黑松露去炸。最特別係腐皮，中日合壁，師傅真係好有創意；咬落勁脆口，味道又特別。咸蛋就好入味但又唔會勁咸。最正係炸完熱辣辣，更加好味。
第二道菜就更加特別，店員將一塊粉紅色岩鹽、巨型帆立貝同用靚靚粉紅色杯裝住嘅不知名泡沫。正當我哋「黑人問號」之際，店員就解釋，原來岩鹽係預熱咗嘅，食法就係用竹籤拮住切好嘅帆立貝肉，放喺岩鹽上面煎，可以自己調節咸度，好食又好新穎。至於嗰杯「泡沫」其實係木魚湯，用泡沫飲落好輕盈又不失鮮味。
食完上半場，中場休息就送上柚子沙冰，清涼又甜中帶少少酸，開胃又清清口腔，繼續享受。
【牛骨湯】真係用盅燉嘅湯，估唔到Omakase都有老火湯飲。牛骨湯幾鮮甜，有大大件蓮藕同靚靚星形日式魚蛋。暖吓胃都幾好。
【鱆紅魚】火炙+厚切，脂肪豐富魚身嫩滑。
【燒拖羅】燒出嚟個樣幾似豬肉，又厚又肥美，嗒落油脂散發出來，好正，大滿足！
【帶子三文魚籽】賣相特別，以為Omakase連燒賣都有得食，原來係用黃色豆紙包住帶子肉同三文魚籽。帶子肉都幾多，咬爆三文魚籽仲有陣陣魚鮮味。
【包菜火炙三文魚壽司】火炙三文魚壽司有洋蔥、香蔥、芝麻提味。外面層包菜鮮爽清新，一齊食味道層次豐富。
之前食過幾次Omakase，甜品都係比較普通，今次就相當不錯。炸香蕉+紅豆年糕配Dessert wine。炸香蕉熱辣辣又香甜、紅豆年糕外層烤到脆口內裡就好彈牙，口感好特別。Dessert Wine其實係冇酒精嘅，有啲似淡淡嘅提子汁。
我哋坐喺料理枱食，望住師傅用心做料理，師傅同店員亦會介紹食材來源同建議食法，食完會問我哋意見，有互動有交流。完全感受到餐廳係著重食客感受力求進步。
張貼
