影片
更多
2016-10-21
1198 瀏覽
今日又係油麻地旺角附近同幾個朋友行街，行行吓肚餓，想食東南亞菜，咁岩又見到間新開張嘅越南菜就心郁郁入去試吓啦！👀呢間叫越男仔嘅餐廳開張咗大約一星期，裝修都幾別緻，有別墅後花園仔嘅感覺🌸。入到去，鋪頭唔算好大，但有一個開放式廚房，可以見到廚師即叫即整越南菜！廚師烹調嘅時候，有濃濃嘅香味充斥住成間鋪頭，令人食慾大增！今日老闆都一齊招呼客人，好親民啊😬！老闆話呢度嘅越南菜加入左好多自創嘅新元素，係唔同出邊既越南菜架！由於我同幾個朋友都幾肚餓，全日冇食過野，所以都忍唔住叫咗好多嘢食喇。🙆🏻首先前菜我哋就叫咗個「冰鎮蜜糖凍番茄配糖漿$28」🍅，完全係意料之外咁好食！切開個番茄，已經有好多汁流出來，咬落去有好甜嘅柚子蜜湧出來，充斥住成個口腔，又清涼又開胃。之後我哋再叫咗蒲頭嘅招牌菜，聽老闆講中曾經係台灣嘅烹飪比賽中拎過奬😳，就係「法式芝心蝦多士$33」，蝦多士炸得又香口又脆，估唔到仲有啲芝士流心湧出來，好好食！🧀🍤跟住我哋仲叫左「招牌原隻軟殼蟹$88」，果然名不虛傳！軟殼蟹肉好鮮甜，炸粉唔會好厚，咬落去脆卜卜。我哋仲加左少少魚露落去食，完全將軟殼蟹嘅鮮味提升。🦀「越式素春卷$18」就啱晒素食嘅人食
呢間叫越男仔嘅餐廳開張咗大約一星期，裝修都幾別緻，有別墅後花園仔嘅感覺🌸。入到去，鋪頭唔算好大，但有一個開放式廚房，可以見到廚師即叫即整越南菜！廚師烹調嘅時候，有濃濃嘅香味充斥住成間鋪頭，令人食慾大增！
今日老闆都一齊招呼客人，好親民啊😬！老闆話呢度嘅越南菜加入左好多自創嘅新元素，係唔同出邊既越南菜架！由於我同幾個朋友都幾肚餓，全日冇食過野，所以都忍唔住叫咗好多嘢食喇。🙆🏻
首先前菜我哋就叫咗個「冰鎮蜜糖凍番茄配糖漿$28」🍅，完全係意料之外咁好食！切開個番茄，已經有好多汁流出來，咬落去有好甜嘅柚子蜜湧出來，充斥住成個口腔，又清涼又開胃。
之後我哋再叫咗蒲頭嘅招牌菜，聽老闆講中曾經係台灣嘅烹飪比賽中拎過奬😳，就係「法式芝心蝦多士$33」，蝦多士炸得又香口又脆，估唔到仲有啲芝士流心湧出來，好好食！🧀🍤
跟住我哋仲叫左「招牌原隻軟殼蟹$88」，果然名不虛傳！軟殼蟹肉好鮮甜，炸粉唔會好厚，咬落去脆卜卜。我哋仲加左少少魚露落去食，完全將軟殼蟹嘅鮮味提升。🦀
「越式素春卷$18」就啱晒素食嘅人食啦，春卷炸得好香脆，加埋啲酸菜配埋一齊食，酸酸甜甜好開胃。👅
終於去到主菜啦，我哋叫咗個人氣招牌no.1嘅「招牌手撕雞椰汁酸湯湯檬粉$49」，手撕雞肉好嫩滑，又吸曬啲湯底，椰汁甜甜地撞埋啲酸湯，口感好特別！🐣
「胡志明市紅番茄四寶湯檬粉$58」，個番茄湯真係好濃郁好鮮甜，酸甜度岩岩好啊！四寶係包括：豬扒、扎肉、豬頸肉、豬肉，四種豬肉都好嫩口好juicy🍅🍜
「越式窩蛋生牛肉牛骨湯河粉$45」，呢個湯河同平時嘅生牛肉湯河有啲唔同，老闆話特登加左隻窩蛋喺生牛肉上面，唔係想撈埋啲湯到，而係想令啲牛肉更加嫩滑🐮！真係估唔到老闆咁有諗頭，啲牛肉有隻蛋包圍着，無咁快老，食落真係好似啱啱滾起咁，好幼嫩呀！
而呢度嘅飲品都係非常特別，嗰日去到咁岩冇晒招牌嘅「香茅薑蜜$25」，咁我哋叫咗「雙檸七喜$23」有青檸同檸檬，同埋「三檸七喜$23」有青檸、檸檬、咸檸，飲落好有層次！🍋🍹個人好鍾意呢間咁創新嘅越南菜鋪頭，一定會再黎試！😍👍🏻👍🏻👍🏻
張貼
