Chotto Maki (利源西街) (已結業)

平時甚少去港島區食飯，嗰日興起去搭電車，於是就喺中環附近搵野食！左穿右插，意外地發現喺利源西街有間創意壽司店。呢間小店主打卷物，見到好多人都外賣，所以都唔輸蝕試吓！Sea Monster （$72）裏面主要由蟹柳、天婦羅炸蝦、豆芽、青瓜等等，而最突出嘅味道就梗係卷物上面嘅櫻花蝦！再加埋秘製醬汁，好夾！而且佢嘅份量其實好大，食到啲咁有創意嘅卷物，我覺得呢個價錢絕對係抵！C-dragon ($70)本人就好鍾意食鰻魚，但係第一次試炸鰻魚，再加埋天婦羅南瓜，冇諗過係咁夾！卷物上加左Tobiko Mayo!!!!同埋少量鰻魚汁，好夾好清新，絕對唔會比鰻魚汁蓋晒啲味道！Black Magma （$72）本人就覺得呢個最特別，卷物上面加上左切碎左嘅帶子，而卷裏面包住嘅就係吞拿魚，可能我特別鍾意食吞拿魚嘅關係，我覺得呢個卷物嘅配搭係最好食！吞拿魚軟綿綿嘅感覺，加上左天婦羅脆脆，再加埋鮮甜嘅帶子同埋特別嘅芝麻醬汁，好好食！三件油甘魚（$39）三件帶子（$39）雖然佢以卷物為主打，但壽司亦都非常之出色，壽司飯夠結實，唔會散晒，最重要係佢上面嘅魚生非常非常新鮮，帶子好口肉，好鮮甜，油甘魚亦都係非常之甘香，