野川拉麵の深燒食堂

營業中

休息中

今日去開元朗行街，見到呢間餐廳都幾多人幫襯，食物種類都幾多，就入去一試。餐廳都好多卡位，坐得舒服。食物以日式為主，有壽司刺身，拉麵烏冬，天婦羅，壽喜燒等，我地咩都叫d試試。四品壽司拼盤，壽司都新鮮冇異味，分量都多，稍顯d冰太多令刺身太凍。壽喜燒配埋生雞蛋。肉質鮮嫩，配料好多，有粉絲 冬菇 菜 豆腐等。係度都可以shabushabu好正！豬軟骨拉麵，配辣芝士湯。辣度係小辣，岩岩好中和到芝士既膩。豬軟骨都好軟好入味！配料都多，有雞蛋，菜，木耳等。仲叫左個小食，吉列炸蠔，牛油焗蜆同埋烤鮑魚🤤🤤同埋兩杯飲品，包括奶蓋乳酸同埋奶蓋oreo奶茶，都好大杯！