影片
更多
2024-07-06
134 瀏覽
🌟餐廳：NIKUSA肉佐📍地址：銅鑼灣金朝陽中心二期 Midtown 8/F💰價位：～$200 - $400⏰營業時間：星期一至日12:00 - 15:30 / 18:00 - 23:00📱電話：39969844 / 68099709有冇諗過和牛壽喜燒都有放題食呢😳😳朋友仔介紹我嚟到呢間大熱嘅關東風和牛壽喜燒放題店🌟NIKUSA肉佐🌟主打一系列集高質和牛壽喜燒、涮涮鍋、壽司刺身放題於一身既專門店💁🏻♀️除左可以食到傳統嘅關東風壽喜燒外，更可以無限任食山形原產藏王和牛、宮城縣產仙台A5霜降黑毛和牛、各款極上海鮮、刺身及大量火鍋配料🥳食物種類多達110款，超吸引，事不宜遲，即刻嚟朝聖下先💋💋———————————————————🔹壽司拼盤我哋揀咗Level Five套餐每人獲卷一份壽司拼盤，有齊大拖羅、中拖羅、油甘魚、三文魚腩、鯛魚及灸燒和牛壽司，款式眾多又高質！特別推介大拖羅壽司，油脂味感豐富，入口即化，鮮味十足！除咗一開始壽司拼盤之外，放題套餐更有刺身、壽司及軍艦供應，朋友仔就最鍾意呢款安糠魚肝軍艦，入口綿密、味道濃厚，下層仲加入日式醋啫喱，微微酸，中和魚肝嘅油脂感，大推！🔹壽喜燒主角
📍地址：銅鑼灣金朝陽中心二期 Midtown 8/F
💰價位：～$200 - $400
⏰營業時間：星期一至日12:00 - 15:30 / 18:00 - 23:00
📱電話：39969844 / 68099709
有冇諗過和牛壽喜燒都有放題食呢😳😳
朋友仔介紹我嚟到呢間大熱嘅關東風和牛壽喜燒放題店🌟NIKUSA肉佐🌟主打一系列集高質和牛壽喜燒、涮涮鍋、壽司刺身放題於一身既專門店💁🏻♀️除左可以食到傳統嘅關東風壽喜燒外，更可以無限任食山形原產藏王和牛、宮城縣產仙台A5霜降黑毛和牛、各款極上海鮮、刺身及大量火鍋配料🥳食物種類多達110款，超吸引，事不宜遲，即刻嚟朝聖下先💋💋
———————————————————🔹壽司拼盤
我哋揀咗Level Five套餐每人獲卷一份壽司拼盤，有齊大拖羅、中拖羅、油甘魚、三文魚腩、鯛魚及灸燒和牛壽司，款式眾多又高質！
特別推介大拖羅壽司，油脂味感豐富，入口即化，鮮味十足！
除咗一開始壽司拼盤之外，放題套餐更有刺身、壽司及軍艦供應，朋友仔就最鍾意呢款安糠魚肝軍艦，入口綿密、味道濃厚，下層仲加入日式醋啫喱，微微酸，中和魚肝嘅油脂感，大推！
🔹壽喜燒主角出場，一坐低店員就遞上由米芝蓮星廚主理既秘製招牌壽喜燒醬汁，醬汁甘甜入味，用嚟搭配和牛冇得彈，即刻介紹吓主打嘅和牛款式先！
✨山形縣產藏王和牛上肉
✨山形縣產藏王和牛赤身肉
✨宮城縣產仙台A5霜降黑毛和牛肉眼
✨宮城縣產仙台A5霜降黑毛和牛赤身肉
✨和牛牛舌
每款提供嘅牛肉均來自專門盛產高質和牛地方，質素有保證！我就特別推介山形縣產藏王和牛上肉，油脂分布均勻，牛味相當濃郁，放入壽喜燒醬汁燒製，牛油香滲出，入口鬆軟，味道濃郁！
至於宮城縣產仙台A5霜降黑毛和牛赤身肉，賣相超吸睛，霜降油脂紋理突出，肉質粉嫩，入口即化，搭配埋日本生雞蛋漿進食，令人齒頰留香！
🔹火鍋配料、小食及前菜除咗主打各款高質和牛、海鮮、壽司及刺身外，更有自助區域提供一系列出色嘅火鍋配料！
有齊各款特色丸類、蔬菜，更提供日式前菜，例如中華沙律、蒜味螺肉及泡菜等等，加上各款關東煮、炸生蠔、餃子、可樂餅、麵豉湯及日式咖喱牛肉飯等美食，食物種類夠晒多元化！
我就特別推介即炸生蠔及可樂餅，熱辣辣香噴噴，餡料豐富，作為餐前小食一流！
🔹飲品及甜品飲品選擇亦係非常之多，有齊各款汽水、無糖茶及一系列熱飲茶包，總有一款啱你心水！
甜品當然係主打聯乘韓國優質品牌百味堂嘅抹茶及牛乳軟雪糕及自家製疏乎厘，其中軟雪糕就提供大大部自助機可以任食，仲可以加入各款配料，鍾意食雪糕嘅朋友仔啱晒！
至於自家製作嘅疏乎厘，即叫即焗，口感鬆軟，香滑十足，食得超滿足！
張貼
