混亂 STEAK (已結業)

今日做完運動，決定要放縱下，補足蛋白質!上次經過有個Food Court，見到有呢間食牛排既shop,所以今晚去試下。 呢間店既肉有3款揀，遂gram計，以300g起跳。可能太晏既關係，最平既肉眼已經賣完，所以我試牛柳加洋蔥汁，另加錢配飯，salad 同飲品。 食呢間要有耐性，因為都等左差不多20幾分鐘。牛肉份量頗大，上面淋上洋蔥粒，再附上一個有d酸酸地咪既醬汁。 不過塊板唔夠熱，件牛攤一陣已經開始涼，雖然叫左7成熟，不過都有D韌，而且塊肉無咩牛味，夾唔到洋蔥D味。 好彩有d飯中和下，如果淨食牛肉會幾膩，不過真係無咩味。 以百幾蚊既價錢，雖然唔係話好貴，不過有D失望。