我係牛舌發燒友,上一個食評寫過吳留手,今日就等我講吓秋嵐呢一間嘅牛舌專門店。
極味厚切牛舌定食：整個套餐有八件厚切牛舌附有檸檬、雞肉蒸蛋、麵鼓湯、咖哩牛舌、沙律、白飯、醬汁包括葱汁、燒汁及鹽調味料。
八件厚切牛舌：牛舌色澤粉紅,外層略為掃咗少許帶微甜嘅燒汁,肉質厚身彈牙多汁,同吳留手嘅厚切牛舌比較,食到最後嗰嚿都依然爽彈而不韌實,但味道方面,吳留手較香口,但食到最後兩三嚿就比較韌實。兩種調味我最喜愛葱汁,反而佢唔揸燒汁喺面頭相信味道會較佳。
麵鼓湯、雞肉蟹柳蒸蛋：味道正常而不過鹹。
咖喱牛舌：肉質爽嫩地但唔好期待食到牛舌真味,真味早已比濃濃嘅咖喱汁蓋過。
呢間厚切牛舌口感同牛舌質素勝過其味道,兩間嚟講個人偏向吳留手多啲。
