影片
更多
2020-06-06
30 瀏覽
當日同朋友慶祝生日，實在好耐無食日本菜，所以早兩日係openrice訂了2位，訂位仲會送自家製安康魚肝一客。當晚七點，入座席滿座，整體都好日式和風，即刻諗起去日本旅行既日子。睇緊餐牌既時候，有職員拎左一個黑板牌，仲推介黑門時令刺身盛，同我地介紹有咩食物同原價幾錢。我就無留意聽，主要聽到有海膽原價2百幾，池魚兩食，5種刺身咁。睇完一輪，樣樣都想食，最後決定叫職員推介既刺身盛。黑門時令刺身盛$628海膽 牡丹蝦 油甘魚 真鯛 池魚兩食我同朋友第1時間係望到個海膽，海膽勁新鮮味道又濃郁，好好味啊💘油甘魚好厚身，啖啖肉好油香💘 真鯛好鮮甜， 牡丹蝦好肥美，一樣係好鮮甜，而已蝦頭好多汁膏💖長崎本池魚兩食刺身切片食，口感嫩身，可以蘸旁邊碟醋食會更有層次，另一款薑蔥拌食，可能太多薑，食落薑味好重，反而切片蘸醋會好味好多，但都唔錯。甲羅燒係今次後食既重點，因為真係好耐無食啦💘 我地叫左黑門令蟹味噌甲羅燒$72 & 海膽蟹味噌甲羅燒$78。店員放抵碟甲羅燒之後，話比我地影完相之後佢地會幫我地燒，我本身以為可以自己燒有得玩下，有點可惜! 不過我見坐面大枱既好似有個爐，可能出面可以自己燒掛!?送上枱之後兩個
當晚七點，入座席滿座，整體都好日式和風，即刻諗起去日本旅行既日子。
睇緊餐牌既時候，有職員拎左一個黑板牌，仲推介黑門時令刺身盛，同我地介紹有咩食物同原價幾錢。我就無留意聽，主要聽到有海膽原價2百幾，池魚兩食，5種刺身咁。睇完一輪，樣樣都想食，最後決定叫職員推介既刺身盛。
黑門時令刺身盛$628
海膽 牡丹蝦 油甘魚 真鯛 池魚兩食
我同朋友第1時間係望到個海膽，海膽勁新鮮味道又濃郁，好好味啊💘
油甘魚好厚身，啖啖肉好油香💘 真鯛好鮮甜， 牡丹蝦好肥美，一樣係好鮮甜，而已蝦頭好多汁膏💖
長崎本池魚兩食
刺身切片食，口感嫩身，可以蘸旁邊碟醋食會更有層次，另一款薑蔥拌食，可能太多薑，食落薑味好重，反而切片蘸醋會好味好多，但都唔錯。
甲羅燒係今次後食既重點，因為真係好耐無食啦💘 我地叫左黑門令蟹味噌甲羅燒$72 & 海膽蟹味噌甲羅燒$78。
店員放抵碟甲羅燒之後，話比我地影完相之後佢地會幫我地燒，我本身以為可以自己燒有得玩下，有點可惜! 不過我見坐面大枱既好似有個爐，可能出面可以自己燒掛!?
送上枱之後兩個一樣樣，唯有靠自己味蕾分析。
呢間甲羅燒除左有蟹籽，仲有鶉春蛋，比平時原味更加多層次。黑門令原味會相對比海膽咸小小，不過配梳打餅食絕對適合。而海膽甲羅燒就 濃郁D，食落尾隨海膽香，我同朋友都比較喜歡海膽個款👍
自家製安康魚肝$58 (訂枱送)
我之前無食過魚肝，點知一食勁好味有驚喜，佢有層好濃郁既味，然後帶點香甜味，喜歡!
本身佢送上枱，我同朋友都唔知咩黎，因為我地無叫過火灸類既食物，點知問店員先知道原來係送既安康魚肝，佢唔提我都差點忘記! 好好，自動波送上贈送既食物。
唐揚炸八爪魚$80
呢個又係必叫，八爪魚唔乾身唔硬，食落QQ好juice，好味到要連續食3粒👍
最後個也魚可以煮湯，店員話加$50可以幫我地煮湯，本身見佢加錢就無太大興趣。點知佢話個湯有豆腐有香菇其他小食材，聽落都吸引就要了。豆腐魚湯好香甜，好日式口味，呢個真係直得錢飲埋。
飲野本身想試巨鋒生啤，但今日佢地無，所以就轉叫柚子生啤$68 & 黑門令生啤$68。柚子生啤原來只係加左柚子，不過我覺得有小小甜，但味道係夾既，如果我下次叫的話應該會拎走小小柚子。而黑門令生啤屬於易入口，好岩平時小飲啤酒既人。
本身我地仲有個 北海道海鮮丼，但留左單而且已經好飽，所以就算了，如果佢送上黎真係飽到嘔。
張貼
