川品雲南米線 (已搬遷) 新店位置

自從連鎖嘅酸辣粉店 日漸退步我已經搵唔到邊度有好食到令我上癮嘅酸辣粉！好彩朋友最近介紹咗川品比我朋友話豬頸肉係必食 我叫咗豬頸肉酸米線小辣第一啖已經覺得好好味～夠香 夠辣 食得出唔係味精果隻酸辣同埋小辣已經偏辣 如果唔食得辣建議食Bb辣！米線望落唔算好多 可能隻碗大？但食食下就發現食極都食唔完同埋佢即叫即整 次次都勁熱熱加辣就更加辣 會有後勁！食到中段會好少少 因為開始凍啲無咁辣最重要未講 豬頸肉好好食可能因為舊舊都細細舊 炸得超好 超脆口 同埋一啖一舊 個口感好正同埋份量都幾多 有十舊左右！次次食唔夠兩三日又會想食！所以真係一碗會上癮嘅米線！不過 始終係小店地方唔算好乾淨 但尚算可以接受～