川品雲南米線 (已搬遷) 新店位置

睇完 #米線關注組 mark低左😆食完一次變左朋友既飯堂🤣佢表示超好食😆😆·🍜豬頸肉.紫菜.酸麻辣米線（$57）豬頸肉真係必點！仍然帶微脆～唯一要彈既係米線太淋，無哂口感.反而朋友鍾意呢種🫣🍜 豬頸肉.大腸.酸麻辣米線（$57）試左件大腸.好入味！🥢醬拌皮蛋（$25）惹味🤤不過我覺得譚仔果個好食啲😂🥤豆漿（$7）唔太甜👌🏻·📍川品雲南米線大角咀晏架街77號富多來商場二期地下6號鋪

小店係值得支持同俾多啲人知道！（食完先知原來好多朋友都好評過🫢）大角咀超小店但味道好有驚喜！同朋友加埋嗌咗嘅餸有豬軟骨腩肉豬頸肉醬汁貢丸響鈴，一個麻辣湯底，一個沙嗲湯底，真係個各都叮一聲覺得好味！食得出每款餸都係有心整，尤其豬軟骨好夠味夠淋！！小食蒜泥白肉唔會死鹹下面仲有青瓜！蔬菜蝦卷唔會乾柴咁，堅有泰式風味！見到舖頭下星期會搬去新九龍廣場（過一條街就係），希望到時會好坐啲同試埋其他再share comment !!

自從連鎖嘅酸辣粉店 日漸退步我已經搵唔到邊度有好食到令我上癮嘅酸辣粉！好彩朋友最近介紹咗川品比我朋友話豬頸肉係必食 我叫咗豬頸肉酸米線小辣第一啖已經覺得好好味～夠香 夠辣 食得出唔係味精果隻酸辣同埋小辣已經偏辣 如果唔食得辣建議食Bb辣！米線望落唔算好多 可能隻碗大？但食食下就發現食極都食唔完同埋佢即叫即整 次次都勁熱熱加辣就更加辣 會有後勁！食到中段會好少少 因為開始凍啲無咁辣最重要未講 豬頸肉好好食可能因為舊舊都細細舊 炸得超好 超脆口 同埋一啖一舊 個口感好正同埋份量都幾多 有十舊左右！次次食唔夠兩三日又會想食！所以真係一碗會上癮嘅米線！不過 始終係小店地方唔算好乾淨 但尚算可以接受～

呢間絕對係長期人龍店成日行過都見到店內店外都好多人而且經過都會聞到令人好肚餓嘅香味😋🍜小鍋紅薯粉+海帶+木耳+韭菜餃 $53基本配料有芽菜 韭菜 酸菜 同埋肉碎麻辣胡椒湯底好惹味有層次 唔係齋死辣或者好鹹好鍾意嗰種上癮令人想一啖一啖繼續飲湯嘅感覺小辣感覺可以再辣啲 下次會叫中辣試試唯一係雖然嗌咗少油但都比較油。本身係跟米線 我就轉咗做紅薯粉佢係偏圓偏粗身 口感彈牙微煙韌 份量對一個女仔嚟講都幾多 絕對食飽飽海帶就係依家比較興嘅螺旋藻份量唔少 食到最尾都仲有好多剩口感有脆有軟稔都幾有咬口而且好鍾意佢可以吸哂湯嘅味道木耳同我印象中唔同 應該叫雲耳煮得相對軟唔太爽口嗌咗韭菜餃有3隻 每粒都大大力好飽滿韭菜獨有嘅香氣比豬肉味突出 餃子皮比較軟綿但都唔會軟爛調味啱啱好唔會太鹹太油膩

又再發掘大角咀既美食，突然米線癮起，本身對酸辣湯底唔太啱口味，呢間小店竟然有胡椒麻辣湯底，以前從未見過，一定要試下，叫左佢地最招牌既豬頸肉米線。已經係點左微辣，但可能加上胡椒，辣感倍增。係呢d凍凍地天氣，飲啖胡椒湯，即刻暖晒。湯底係我喜歡味道，夠濃，對我唔算咸；食晒成碗都唔覺口喝。豬頸肉似係包左d粉炸既，神奇地沉左湯一段時間炸粉都仲脆；豬頸肉係ok既，但唔覺得超級好食。好多其他評分好高，排晒隊既米線舖，可能因為係酸辣湯底，我都係覺得一般。碰到啱自己口味既，一定會再幫襯。

諗住出旺角行街，但又唔想去食連鎖店同商場餐廳，所以心血來潮出附近的大角咀搵食!經過一番搜尋，搵到呢間喺大角咀富多來商場的米線小店。有來過大角咀富多來商場搵食既朋友都知，大部份食店都係細細間，其實有時都會經過，但都發現唔到佢。內進後，本店已經坐滿人(時間是下午3:30)，職員帶我們到對面鋪(都是堂食位置)。除左米線之後，仲有好多飯餐選擇。朋友點了胡椒豬肚枝竹湯米線，好足料，胡椒味好重!作為豬軟骨控，見到有豬軟骨米線就一定會試。點了沙嗲湯底，沙嗲味濃但湯未至於好杰身。豬軟骨炆到好淋身，十分唔錯。餐飲叫了凍奶茶，看似無咩特別，但茶底味濃而不苦澀。呢間品川的確係有驚喜，下次出大角咀一定會返黎再食!

大角咀都有好多隱世美食🤤今日係朋友推介下黎左大角咀呢間小店食米線😝真係好值得推介！係奧運站C1出口行大約六分鐘左右就到🤤好彩朋友識路，如果唔係又要搵下路😛呢間餐廳係富多來商場地舖，雖然店面比較少位置，但原來佢係商場入面仲有另一個舖位可以坐，所以今日都唔洗等好耐🤪🍜1️⃣酸麻辣湯小鍋米線（招牌腩肉、魚腐、韮菜餃）（$51）由於本身我唔係好食得辣，所以今次個湯底就叫左微辣🤤湯底味道好香濃，而配料方面，招牌腩肉都好推介大家食😍食得出係用左時間將啲腩肉浸係啲汁入面🤤好入味！而魚腐同韮菜餃都係不過不失😝🍜2️⃣酸麻辣湯小鍋米線（豬頸肉、腸仔、響鈴）（$61）朋友就試左佢既豬頸肉🤤原來都好出色，外層煎得好香脆，不過又唔算好油膩👍🏻至於我平時打邊爐食響鈴就食得多，放入米線到食真係第一次😝響鈴沾晒湯底啲汁，非常惹味🤤🍗3️⃣口水雞（$40）口水雞個汁好出色😛雖然有好多辣椒油，但好彩我都可以食得到🤣而雞件好嫩滑，加埋面頭既花生同芫茜一齊食，口感更豐富🙆🏻‍♀️🧃4️⃣雪梨茶（跟餐+$6）🧃5️⃣甘蔗水（跟餐+$6）

星期日朋友去過呢間食米線話味道唔錯，趁今日放假就出外逛逛try try sin. 地點唔算方便對於一個路痴黎講都幾難搵🤣（係商場兜左陣先搵到）店舖方面佢地有兩間鋪，另一間就闊落d但冷氣唔夠, 主鋪就地方狹窄dd至於米線方面 叫左個麻辣胡椒湯大辣 味道好濃唔太油 如果食開清淡嘅人呢間就唔啱佢地喇 餸品種唔算多 出奇竹笙都係8蚊比其他店鋪平鍾意食濃味野嘅朋友值得一試

堂食只係得4-5張枱真係好細, 所以我地都係揀左外賣自取, 質素又未至於好到我會願意排隊去食🧐 豬頸肉米線 🐷($65)豬頸肉燒到好香口帶少少既油脂好正, 另外加既招牌腩肉都唔算太肥係薄片食落口感唔錯, 米線偏幼身, 今次揀左微辣既湯底一啲都唔辣而且有總會忍唔住飲多幾啖既感覺☺️小鍋米線🍜 ($53)可以免費揀兩款配, 所以揀左雞絲同生菜清清地正正常常啦, 雖然揀左清湯, 但係都見到少少紅色辣油係個湯度有啲扣分, 整體黎講呢個係比較普通🤧章魚餅🐙($29)彈牙既章魚餅有4大塊, 食落一啲都唔會覺得油膩, 唔錯既小食😍蒜泥白肉🧄($46)比起普通既蒜泥白肉呢個秘製醬汁比較辣, 但係食完唔會令到個胃唔舒服既蒜量配埋白肉同青瓜係好正, 一啲都唔會over👍🏽呢間米線冇網上傳到咁好食, 相比之下佢既小食比較出色

自從公司搬咗去九龍區都冇點出過街食飯，今次就試咗間Bookmark咗一段時間，喺米線Group都得到唔少關注嘅川品米線。小店出品，人手又唔多，米線仲要逐碗逐碗煮，趕時間者唔建議前往🚷！🌟豬頸肉 腩肉 竹笙 麻酸辣湯(微辣)身為一個唔太食得辣嘅人(頂盡十小辣)，叫咗呢個湯底絕對會後悔，雖然入口當下唔會覺得好辣，但佢嘅辣係慢慢慘出嚟🥵(其實眼見有唔少辣椒籽同皮🌶️)。酸同辣味平衡得幾好，麻辣係最後出現，食完成碗米線都Feel到嘴唇痺痺地🤣，屬於重口味+有層次嘅湯底。最後👧🏻就頂唔順要問店員攞碗清湯清一清味蕾，但等咗好耐碗清湯都未到，原來呢到連清湯都要逐碗煲滾🧐，確保食物上菜溫度，值得一讚👍🏻。睇咗唔少食評都推介豬頸肉，果然係高水準之作！都有7-8片豬頸肉，烤得香脆，內裏豬肉油脂分布好平均，帶有油香但唔會油膩，大家嚟到一定要試👍🏻。至於豬腩肉就用上五花腩，不過醃肉味道偏咸，唔得👧🏻歡心🤣。竹笙就有大概5-6小塊，索湯一流😘。🌟胡椒豬肚湯米線 + 魚腐朋友叫嘅胡椒豬肚湯入口幾香胡椒味，但不至於辣，如果撈埋沉喺碗底嘅胡椒就應該會飲到辛辣味。除咗豬肚(👧🏻唔食，冇得評價🤣)，仲有唔少炸枝竹。呢個湯底

排隊時間十分鐘湯底又真係幾正🤤嗌左個麻辣胡椒湯微辣 嫩雞柳 腩肉 米線 $43酸麻辣微辣 豬頸肉 魚片頭米線 $53凍飲 +$6 *2 $108 晚餐👍🏿平民價 評價高🤤🤤🤤🤤

去完大角咀按摩，就諗住試吓呢間稍有名氣嘅米線食啦！好好彩去到唔使等位😍🌸我就嗌咗麻辣中辣豬紅響鈴米線。飲咗一啖湯，已經覺得好正，湯底較濃烈，適合重口味嘅人士that's meee😏除咗湯底濃郁之外，氣味都幾香，而且米線係比較淋，啱曬我鍾意食軟嘅米線。（仲有啲脆卜卜嘅豆，餸米線一流🌸豬紅同埋雞翼方面都好入味好好食，不過今次就冇試到個個都讚不絕口嘅豬頸肉，下次有機會再試食先哈哈😽總括嚟講呢間會再光顧的，因為好少何食到一半仲繼續好想食，皆因佢湯底真係好濃好香，越食越惹味～～🔥不過食完之後會好頸渴，所以久唔久食一次就好了hehee🤣

睇左人地介紹，山長水遠走黎試下，滿懷希望，點知。。。手機點餐，叫左：（1）蘿蔔、韭菜蝕、酸辣 小辣（2）丸 、腩肉。酸辣 中辣（3）散叫小食：豬頸肉（4）豆漿米線黎到，見賣相好吸引咁喎。。（小辣個碗）食頭兩啖, 已經覺得好咸，以為咁岩呢碗重手姐🤔。再試埋（中辣個碗） ...原來係再咸D🙄。重點係，酸辣冇酸辣味，得個咸字🙄早午餐都未食，仲要已經下午2點幾，我地每碗都只可以食到一半😑 🤯重口味到咁樣。。。真係唔明點解。。之後成個下午要chr 左幾支茶，真係搞唔掂😢講下其他食物/ 其他啦公平少少😄：蘿蔔：冇根🤗豬頸肉：係正常合格既☺️肉軟身少少脆邊🙂手機落餐：方便快捷🤪

大角咀人氣米線，豬頸肉必吃！🌸2碗米線$149+12(2杯豆漿)⭐️⭐️⭐️⭐️⭐️傻婆RnT叫左2碗米線，其中一碗就多左雞扒另一碗就係多左炸醬。豬頸肉燒得剛好，外皮十分香口脆滑，微微既炭燒香增添風味，必吃呀！雞扒炸到香脆嫩滑夠Juicy，十分有驚喜！竹笙乾淨而且索晒湯汁，將湯既精華索晒係竹笙入面，十分惹味可口。2碗都叫左酸麻辣湯底，傻婆R係小小辣加炸醬，所以辣度已經剛好，傻婆T係微辣，不過對於唔多吃辣既人黎講都好辣啦～亦非常夠酸哦！小店坐位不多，但環境衞生都幾好，如果平日堂食最好早過1pm，因為都多學生同上班族黎食同外賣。

睇到FB米線關注組成日介紹呢間好多人都話值得推介又唔汁輸去試下先!好彩住得近 如果唔係都未必會特登行過去細細間鋪 6點半去到門口已經要等位而且仲愈來愈多人可能好多人都係好似我甘黎湊熱鬧掛要左2款 一款酸辣湯底 一款麻辣胡椒湯做定功課睇左咩餸好食就跟住叫左豬頸肉﹑腩肉﹑炸醬豬頸肉真係做得好出色, 輕微燒過, 仲好食過泰式係食過最好食既豬頸肉 所以難怪等左甘耐既另外2款就不過不失啦, 唔算太特別, 但味道都係唔差既至於湯底, 麻辣胡椒湯好過酸辣湯底太多麻辣胡椒湯有特色既, 係食到好香胡椒味同時, 有辣勁但酸辣湯底唔知係咪因為小辣, 完全唔辣, 又唔酸…..大角咀幾間米線鋪相比之下, 佢既吸引力就麻麻地喇