火水爐冰室火鍋

營業中

休息中

天氣開始凍，同朋友傾開打邊爐，佢話食過呢間火鍋，料夠足，肉好高質，好過出面大型連鎖火鍋店好多，而且環境幾別緻，隨即叫佢帶我黎試一試😋入到餐廳，見到個設計係走懷舊路線，室內燈光偏黃得黎唔會好刺眼，環境確係幾舒服。前菜係炸魚蛋同炸燒賣，睇落去好普通，食落外脆內軟，魚蛋夠彈牙，炸得岩岩好👍🏻我地點左個花膠雞煲及沙爹湯底火鍋，個雞煲真係足料到唔講得笑，雞肉係大大件，連花膠都係大大塊，真係冇講錯。雞煲即叫即係你面前煮，有專人幫你攪掂，岩哂我呢D懶人🤣煮到個時間係岩岩好，雞肉夠入味兼嫩口，令我食唔停口😋食完雞煲，混個靚醬先~ 有我喜愛的芫茜👍🏻頭盆係海鮮拼盤，蜆肉非常鮮甜、蝦亦都好新鮮👍🏻安格斯小排，牛味香濃，配埋沙爹湯底真係一絕。美國珍寶肥肉，入口鬆且嫩，仲有小小漏口，忍唔住要encore再encore呀！黑豚肉片，食落小小彈牙口，一d都唔韌，而且肉質好香👍🏻👍🏻好欣賞呢3款肉，厚薄剛剛好，每塊都可以啖啖肉，食到好滿足😋最後仲有特色甜品，什果涼粉冰，可以舒解到打邊爐後的油膩感，真心要讚👍由餐廳的裝潢擺設到碗碟都懷舊味極濃厚，鍾意懷舊的朋友一定唔可以錯過。下次等我帶爸爸黎回味一下當年先。