影片
更多
2022-08-06
2019 瀏覽
同大部份人一樣，小編都係俾餐廳獨特嘅精美擺盤吸引🤩，好耐之前已經喺佐敦店訂過房同屋企人打邊爐，知道荃灣開咗新店，特登嚟試吓水準如何🔔！環境方面裝修得優雅大方，足滿50年代舊香港情懷，空間感充足，大部份都係卡位，通風系統做得好，無油煙味坐得舒服👍🏻。1️⃣ 湯底 - 日本牛乳玫瑰鍋 $168主打配搭新穎嘅養生美顏湯底，小編呢個係多款特色湯底中嘅女士首選👸🏻，中間係一粒玫瑰造型牛乳凍🌹，以南瓜托底，灑上食用花瓣作點綴，成件事好lady呀💖！開始淥野食之前記得先飲反碗湯，用上北海道全脂牛乳果然奶味香濃🥛！2️⃣ 香江拼 $788基本嘅火鍋配料例如蔬菜🥬、肉類🥓、丸類都好齊全，不過一場嚟到，緊係要叫啲特色招牌菜啦！牛肉拼盤係呃like之最✨，安格斯肥牛、牛柳粒、手切肥牛、牛白肉、牛脷、牛心頂、黑栢菜、牛小腿全部放喺特製嘅木圈上，好幾款卷成玫瑰造型，陣容華麗只此一家💯。肉嘅質素唔錯，尤其係安格斯同牛柳粒，有肉味唔鞋口，不過價錢不便宜💰，以呢個價位你可能會look for極品靚牛或者大大碟食到飽，但係打卡真係一流📸。3️⃣ 七彩餃子 $1087種口味包括金華火腿菜肉餃🐷、蟹肉黑松露餃🦀、午餐肉粟米餃🌽、冬菇薺
1️⃣ 湯底 - 日本牛乳玫瑰鍋 $168
主打配搭新穎嘅養生美顏湯底，小編呢個係多款特色湯底中嘅女士首選👸🏻，中間係一粒玫瑰造型牛乳凍🌹，以南瓜托底，灑上食用花瓣作點綴，成件事好lady呀💖！開始淥野食之前記得先飲反碗湯，用上北海道全脂牛乳果然奶味香濃🥛！
2️⃣ 香江拼 $788基本嘅火鍋配料例如蔬菜🥬、肉類🥓、丸類都好齊全，不過一場嚟到，緊係要叫啲特色招牌菜啦！牛肉拼盤係呃like之最✨，安格斯肥牛、牛柳粒、手切肥牛、牛白肉、牛脷、牛心頂、黑栢菜、牛小腿全部放喺特製嘅木圈上，好幾款卷成玫瑰造型，陣容華麗只此一家💯。肉嘅質素唔錯，尤其係安格斯同牛柳粒，有肉味唔鞋口，不過價錢不便宜💰，以呢個價位你可能會look for極品靚牛或者大大碟食到飽，但係打卡真係一流📸。
3️⃣ 七彩餃子 $1087種口味包括金華火腿菜肉餃🐷、蟹肉黑松露餃🦀、午餐肉粟米餃🌽、冬菇薺菜餃🥬、蟲草花餃🌸、和牛香茜餃🐮、姫松茸野菌餃🍄，放喺中式古典木架上面，打卡夠晒吸睛。餃子放耐左一夾落去塊皮有D濕濕地，本以為放湯後會散開點知又無喎😆～仲要好薄好滑身，肉餡結實好足料，推介典堂級蟹肉黑松露餃，同藍色嘅蟲草花餃，7個顏色7種配搭，gimmick味道都做到有驚喜👏🏻！
4️⃣ 黃金鬼五馬綠 $88熟食類入面蝦多士嘅變奏版，蝦滑加入墨魚打成膠，用油炸鬼代替多士♨️，再加鹹蛋黃炸，每一啖都feel到油份，好邪惡嘅小食😈。
5️⃣ 桃花緣 $88 ; 鳳硫香 $68
打邊爐來來去去都係得D清熱飲品，估唔到餐廳嘅特色飲品做到好似酒吧cocktail咁🍹，好睇好飲，不過一律偏甜。
除左作為火鍋靈魂嘅湯底令人滿意外🍲，食物嘅攞盤、配搭都別出心裁，連飲品menu都好有誠意， 未必適合大胃王瘋狂SONG食，但好適合情侶拍拖或girls gathering👯♀️！
-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐⭐⭐
題外話/補充資料：
🚗 荃灣分店泊車方便得多，基本上喺餐廳食飯都可以reach到商場泊車優惠指定消費金額!
(以上食評乃用戶個人意見 , 並不代表OpenRice之觀點。)
張貼
