東海海鮮酒家(宴會廳) (已結業)

昨晚在美麗華東海食飯，叫了個$2,680套餐，套餐寫明〝免茶芥、送啤酒汽水共12罐〞、但就要收加一服務費，正常人一唸，係咪$2,680再加一$268等如$2,948就可以埋單走人先，更何況訂位時我已問〝個套餐係咪淨係收加一，其他茶芥及啤酒汽水已包括在內〞，聽電話個人答〝係〞，點知埋單時要$3,021，於是我便check單，發覺其中一項收取〝小食〞費，於是便問埋單個小姐(職位應該係公關)，甚料佢竟然用d好鄙視的態度說〝係枱面個幾碟花生錢，每位收$6〞，佢的態度簡直好似睇低你咁，我覺得有d比人欺騙的感覺，若當初在訂位時講明除加一外，仲要收花生錢，咁我唸會無咁嬲，另外d服務態度亦唔得，眼見d碟載滿骨都唔會換碟，就算d食物有幾好味，我唸以後都唔會光顧東海