源祖之味古早蛋糕店 (已結業)

古早味蛋糕店真係開到每區都有幾間， 但係咪真係間間都咁好味我就唔知， 但今次我來到寶林站呢邊新開的“源祖之味”就好好味。今次點解我會選購3隻味， 咪就因為我知我哥哥和阿嫂今晚會返媽咪到食晚飯， 而好耐之前佢睇我ig 見到我曾經食過古早蛋糕，話下次如果我知邊間好食就買佢地那份。✡雲石紋朱古力 ～ 我最欣賞雲石紋朱古力，濃香的朱古力甜而不膩， 個雲石紋又夠吸引。✡流心芝士愛肉鬆 ～ 仔仔大愛芝士和肉鬆的配搭， 蛋香冇比芝士和肉鬆的味蓋過，反而有小小芝士的濃郁令蛋味更出。✡皇室伯爵 ～ 媽咪最愛品茶， 所以買新口味比媽咪食，一食便愛上佢的茶香。呢間的古早蛋糕做得好出色唔會好濕的感覺，入口軟綿綿，咬落去蛋香味又濃，令人忍唔住會食多件。 但店員都提我，如果食唔哂可以放雪櫃，第二日拎返出來放一會再食都會咁好味。