鍋卷鳴門 (已結業)

係IG Story見到朋友去食呢間任食生猛海鮮既火鍋店，佢話超正，引到我都心思思好想去食🥹成個餐廳最最最吸引一定係海鮮缸！勁大個裝滿曬海鮮，仲要全部都可以任捉任揀😍😍😍平時食流水蝦得一款大頭蝦已經好好玩，可以想像下呢度咁多野揀係幾咁興奮🙈🙈🙈店員話每日都會採購最新鮮既海鮮，所以每日既貨都係唔同既。我今日好好彩，有好少見既琵琶蝦😍另外仲有花蟹、鮑魚、沙白、九節蝦等等，全部都好生猛，都要用d功夫先夾到上黎😂😂夾完海鮮之後就可以打邊爐啦，我揀左麻辣湯底同壽喜燒，兩個都好正！壽喜燒可以食到海鮮既鮮甜味，麻辣為海鮮增添一份刺激感，可能因為有殼，所以就算湯底濃烈都保留到海鮮既甜味🍴琵琶蝦好大隻好厚肉，口感好似龍蝦，味甘鹹🍴花蟹有藍色同紅色揀，每隻都又厚肉又鮮甜，今日表現最優秀，食左好多隻🍴鮑魚好甜好嫩滑，第一次用黎打邊爐，估唔到唔會韌🍴九節蝦好大隻，應該係高級貨😂🍴沙白圣子都冇沙，抵讚除左海鮮，打邊爐既和牛、牛舌、牛小排都好高質好好味。仲有其他小菜、刺身、生啤任食，種類多到試唔曬。重點係我叫左既都好好食，完全唔會hea🐰