鍋卷鳴門

NaBe Naruto
39
3
7
港鐵旺角站 E2 出口, 步行約5分鐘 繼續閱讀
電話號碼
26633281
營業時間
今日營業
12:00 - 16:00
18:00 - 23:00
星期一至日
12:00 - 16:00
18:00 - 23:00
公眾假期
12:00 - 16:00
18:00 - 23:00
公眾假期前夕
12:00 - 16:00
18:00 - 23:00
付款方式
Visa Master AlipayHK 現金 Apple Pay 微信支付
其他資料
網上訂座
Wi-Fi
酒精飲品
自帶酒水 詳細介紹
VIP房
電話訂座
加一服務費
前往餐廳網站
https://www.facebook.com/%E9%8D%8B%E5%8D%B7%E9%B3%B4%E9%96%80-Nabe-Naruto-112171618045059
有關餐廳
日式火鍋放題嚐多款活海鮮
嚴選高質食材的日式火鍋放題餐廳,晚市供應日本、美國及澳洲牛肉外,還可以任捉活海鮮,包括鮑魚、蜆、大蝦等款式。而自助食品區更設有過百款火鍋配料、飲品、生啤及甜品可任飲任食。另外提供單點海鮮料理,讓你有多元化的用餐體驗。

有關獎賞計劃
食評 (53)
等級4 2022-06-18
615 瀏覽
多番出來食飯一定周圍搵下有冇特色美食,又其係晚市時段比較多選擇,至於今次食乜美食當然係火鍋,就去咗旺角通菜街呢間鍋卷鳴門係一間日式海鮮火鍋放題店,店內環境闊落自然坐得舒服,晚市套餐有3款不同價錢特色肉類提供,我哋點了下忍之卷已包括多款美食,除了係QR code落單品嚐其他美食,又可以係出面自助區攞火鍋配料,當中最吸引肯定自助海鮮檔人山人海,每日有任食時令5-8款生猛海鮮,係水缸自己夾超新鮮,有大連鮑、南非鮑、賴尿蝦、海蝦、花螺、青口、白貝等,飲品方面有玻璃樽汽水飲落夠晒氣同多款生啤任斟正,火鍋湯底鴛鴦鍋準備好開始逐一品嚐,先食下澳洲牛板腱肉質鮮嫩味濃厚,美國小牛排肥美又多汁,沾上蛋汁一起吃食更香滑,再來係海鮮有海蝦肉質爽口鮮甜、鮑魚肉質飽滿鮮嫩同青口都係出面海鮮檔捉夠晒新鮮,除了食火鍋配料仲有多款刺身帶子、八爪魚、甜蝦、馬刀貝一邊食,輪到即炸帶子天婦羅同炸蝦,炸得鬆脆可口, 仲有多款小食同一品料理,有蟹肉薯餅,榴槤炸彈、唐楊炸雞塊、炸一字雞翼,又繼續喺出面夾海鮮食下,保證食得滿足,最後攞埋甜品雪糕咁至完美品嚐一餐高質日式火鍋美食。 繼續閱讀
(以上食評乃用戶個人意見 , 並不代表OpenRice之觀點。)
放假同朋友黎食即夾即煮既海鮮火鍋!依度最特別既就係有個海鮮池,可以俾客人自己夾完再即刻打邊爐!真係又有得玩又有得食湯底就分別揀左濃厚番茄湯、清酒煮沙白湯同埋秘製麻辣湯。食靚牛既時候我最鍾意用清清地既湯底黎淥,好似當中既清酒煮沙白湯咁,咁先食到最原汁原味既牛肉味每個set都包任食自助活海鮮區既海鮮!記得記得!夾蝦之前一定要拎d冷放入海鮮筒先呀!因為咁先會令d蝦凍暈,唔洗驚佢跳出黎蝦肉好爽彈,蝦味濃郁。海鮮類別都有唔少,基本既沙白蜆、海蝦緊係唔少得啦,除此之外仲有澳洲鮑魚、瀨尿蝦、花螺!當中我就最愛澳洲翡翠鮑魚因為d鮑魚真係超級新鮮既關係會吸實個池邊,夾上黎果陣都要用d力摌,煮左10分鐘左右,咩醬汁都唔洗蘸已經好鮮味,夠彈牙爽口!一定要encore 依加4人同行仲送一隻松葉蟹咪話送既就冇好野,依隻蟹真心好有誠意!我地用沙白湯底煮,肉嫩鮮甜啖啖肉又有蟹味,仲係爆多蟹膏嫁除左海鮮吸引,佢地既”上忍之卷”套餐既牛肉都好正第一次食日本A5藤彩和牛,特別推介牛舌同牛肩胛!!依度既牛舌同平時既好唔一樣,打直切帶有脂肪層,其實完全睇唔岀係牛舌,但一食落口就知,質感好爽嫩真係一分錢一分貨,七百幾蚊就可以任食海鮮、任食和牛、任打邊爐、任食刺身小食天婦羅、任飲啤酒汽水甜品,真係算值回票價! 繼續閱讀
(以上食評乃用戶個人意見 , 並不代表OpenRice之觀點。)
朋友約食飯,來到位於旺角通菜街既鍋卷鳴門,全新日式忍者🥷主題和室,坐位寬敞又舒服!今次選了90分鐘 🔸下忍之卷套餐 $468,除海鮮外,仲有美國牛小排,熊本豚肉,澳洲牛板腱,炸物,天婦羅,火鍋料等任飲任食,真係好豐富呀!水缸內有九節蝦,賴尿蝦,南非鮑,大連鮑,花螺,白貝,刀貝等,全部任食任夾,小妹第一次夾蝦,夾鮑魚,真心覺得好好玩!開始夾海鮮~~九節蝦新鮮大隻,蝦肉鮮甜爽彈,蝦頭更是美味,無得輸!雖說蝦頭,會愈食愈蠢但都停唔到口游水賴尿蝦,個頭亦不少,去殼後啖啖肉,好鮮甜,唯要小心蝦殼上的尖刺!湯底有濃蕃茄湯,關東壽喜燒,麻辣湯等,我們選了傳統鰹魚清湯,海帶豆腐清清地,跟海鮮很配合!炸物,天婦羅,即點即炸,質素唔錯!紫栗芝士薯餅入口香脆鬆軟,紫薯味道香濃!芝士年糕熱辣辣,軟糯煙靭,芝士可拉很長絲!蟹肉薯餅,一咬就有濃郁忌廉薯仔蟹湯湧出!平時食放題,大多都是涷海鮮,呢度海鮮即夾即食,夠晒新鮮~價錢亦合理,一定會再約朋友去!🌈鍋卷鳴門🌈旺角通菜街1A-1L號威達商業大廈3樓3B室🌙月光太太 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-28
0 瀏覽
好多時食放題同埋打邊爐都已經食到厭左近排見到呢間新開嘅餐廳竟然有自助海鮮區比客人可以喺出邊鬧自己想食嘅海鮮最正嘅就係佢係任你食所以呢你食到幾多就可以食幾多簡直係性價比非常之高嘅一餐今日選擇坐下引致卷這個套餐起初見到四百幾都驚比較貴但係見到入邊嘅海鮮都食得已經非常之咁安心入面見到非常之咁新鮮嘅大蝦每隻下都係扎扎跳雖然鬧起上嚟都非常之困難但係過咗新鮮就難以形容因為有得玩之餘仲有得食而且仲有其他海鮮例如大顯完杯仲有青口更加有非常之咁多嘅賴尿蝦仲有海螺藍色蟹仲有非常之罕見嘅琵琶蝦都係任食之選另外再叫咗美國牛版踺牛嘅肉味非常之咁濃郁配合埋日式嘅湯底令到肉味更加昇華之後叫咗豚肉估唔到豚肉嘅味道好濃郁但係就唔會有豬肉嗰種蘇味咬落口係淡淡回甘嘅豬肉香味非常之咁出色二海鮮方面任食任選嘅簡直係令人地食到唔停口因為就算鮑魚都係任食而且每一隻都非常之咁新鮮淨係食鮑魚都已經回晒本另外仲有琵琶蝦龍蝦差唔多而且有過之而無不及肉質仲非常之爽口彈牙而且海鮮味道仲非常之估唔到任食海鮮都可以有任食琵琶蝦嘅選擇另外配菜仲有鵝腸同埋刺身老實講因為有任食海鮮其他配菜去到呢間餐廳都係淪為配角之選之後食埋佢哋嘅甜品甜品唔單止有各式各樣嘅大類雪糕而且仲有比較偏門嘅泰國雪糕所以甜品都係唔可以錯過嘅選擇 繼續閱讀
(以上食評乃用戶個人意見 , 並不代表OpenRice之觀點。)
等級2 2022-06-27
0 瀏覽
❤️任食放題見得多任食自己夾的海鮮打邊爐放題真係好食又好玩,90分鐘四百幾蚊真係值回票價😁😁😲生猛彈彈九節蝦、鮑魚、蜆、螺、瀨尿蝦等你夾落冰桶再直接放上揀好的湯底滾熱食,每一啖都係最fresh海鮮的味道,加上我哋揀咗壽喜燒湯底,甜甜地夾得到海鮮同其他高質火鍋配料(牛板腱、日本產豚肉、牛肉、雞肉、A5和牛特別推介鵝腸)、仲有任食多款刺身,加錢又有龍蝦同埋松葉蟹😍生啤任飲🍻雪糕除咗食開嗰幾隻仲有一隻本地牌子比想像中好食好多🍦--📍鍋卷鳴門旺角通菜街1A-1L號威達商業大廈3樓3B室 繼續閱讀
(以上食評乃用戶個人意見 , 並不代表OpenRice之觀點。)