巧手製作 (已結業)

上次就同友人係「唐記包點」快速地解決晚餐，今次去左同樣係「唐記包點」旗下既「巧手製作」，老媽子趕唔切煮飯，叫我買啲野返去做今晚晚餐，舖飲茶癮興起，咁就不如去最方便既「唐記包點」買點心返去，九龍灣近淘大呢間都屬「唐記包點」，本身最想買佢既腸粉試下，點知呢間分店仲未有。外賣店內外其實格局同「唐記包點」係一模一樣，只係餐牌上有少少分別，多左腸粉，可惜仲係「即將推出」。食物選擇黑麻蓉包 $7.5/個除左香芋包，我第二至愛就係黑麻蓉包，啲餡多到，每啖有沙沙蓉蓉既黑芝麻口感，又唔太甜，不過我成日覺得佢整到流心仲正！蕃薯包 $7.5/個冇紫薯包就食黃蕃薯包，唔會加好多糖，所以唔會好甜，十分飽肚。香煎蔥油餅 $5.5/個上次食左香煎蔬菜香茹包，覺得麻麻地，就試下冇餡既香煎蔥油餅，都係一般般，唔夠香口，始終蒸包出色好多。糯米雞 $25老媽子至愛，飲茶點少得食糯米雞，係屋企食都要食返個糯米雞，夠哂大隻！入面有冬茹、雞翼、叉燒、咸蛋黃，十分足料，而且調味夠，雞翼夠稔。咸魚肉餅飯 $25豉油另上，肉餅其實都幾大塊同厚身，唔乾身，比起上次食既鳳爪排骨飯好食。皮蛋瘦肉粥 $16呢個就老爸至愛，佢唔係平時食既碎皮蛋