R.I.M.K (已結業)

旺角呢間樓上咖啡店，一直都人氣高企，今日終於有機會嚟試一下。🤤地點位於西洋菜街同女人街交界，搵得尚算方便。🥰Dinner Menu都幾吸引，試咗四款嘢，分別係紅酒黑椒慢煮去骨德國鹹豬手，柚子日式芝士蛋糕，😍富士蘋果芝士蛋糕，同雙重抹茶雪糕拿鐵。我覺得去骨嘅豬手真係好好味，因為佢係慢煮所以肉質都好軟淋，😉而且骨膠原好豐富，份量大，配埋薯蓉都幾飽肚。佢哋嘅雙重抹茶拿鐵同樣好滋味，最鍾意上邊嘅抹茶雪糕，😁好香而且甘甜。同樣嘅甜品cheese cakes唔可以錯過，柚子日式偏向清新，😘富士蘋果就更加香甜。