Shake'em Buns (已結業)

無論是舊店還是新店，都幫襯了好多次，每次一定會食MIssionary ，Onion Wings，之後發現Hawaiian Surfer Girl原來都好好食！如果覺得60幾蚊一個飽係貴，咁你就錯啦！因為呢個係超大o既漢堡飽，女仔一定唔會食得哂成個。先講MIssionary ，最鐘意佢地o既漢堡扒厚得黎多汁，Mos 同Triple O都無法相比！加上材料豐富，洋蔥，生菜，蛋黃醬等配料，配搭永遠脹卜卜，熱烘烘o既麫飽，食一啖你會重新對漢堡飽改觀，原來好味o既漢堡飽係咁多層次架！Hawaiian Surfer Girl，主要材料是bacon同菠蘿，果然加入菠蘿係會成個感覺好唔同，十分開胃美味！Onion Wings，呢度係我食過最好味的，即叫即炸，新鮮熱辣不過，有一樣係千祈唔好叫，就係mini bun，雖然3個超迷你漢堡好得意，其實係3款唔同味o既漢堡飽，只記得一個係雞肉，一個係牛肉薄片，三款中只有Hawaiian最好食，其餘兩個可以話難食得很！