圓山台灣料理 (已結業)

喺尖沙咀我自己嘅餐廳 list𥚃面, 圓山係其中一間, 位置舒適闊落, 服務好, 最重要係食物質素好, 今日同朋友傾公事, 於是揀左佢地個午市商務套餐, 點心任選兩款（或）涼菜小食一款,精美小菜任選兩款, 老火靚湯, 肉燥飯或擔仔麵, 甜品, 抵食之餘又唔駛自己傷腦筋水晶鮮蝦餃🍤🍤真係皮簿餡靚, 蝦餃皮薄而煙韌, 蝦甜爽脆台式小籠包皮嘅質感軟滑, 唔會太厚, 內𥚃包住湯汁, 肉餡有咬口蠔油生腸😋😋呢個涼菜小食係另外加錢嘅, 因為朋友好鍾意食, 生腸好爽口, 一邊傾計一邊食就最適合啦三杯雞👍🏼👍🏼上枱傳來麻油, 酒嘅香味, 雞肉略煎過, 將肉汁鎖住, 鹹甜香嘅醬汁, 令你忍唔住食多幾啖飯豆辦鮮魚🐟🐟一樣係好好配飯嘅餸, 魚肉鮮而滑, 唔會太多骨, 用豆辦煮, 非常惹味, 豆腐好滑, 食落去有麻婆豆腐嘅感覺肉燥飯🍚🍚肉燥不油膩, 鹹中帶甜嘅滷汁, 好似飛左去台灣食一樣咁好味