正宗上海生煎皇 (已結業)

最鐘意食上海菜嘅我終於可以嚟食下幾出名嘅正宗上海生煎包啦。 同行朋友揀左外婆紅燒肉麵，d紅燒肉酸酸甜甜嘅，有幾舊偏硬，而上海麵做得好好，麵質彈牙，冇斷嘅，配肉食就有味啦。之後要左一籠小籠包，好鬼好食！每一粒都係爆汁嘅，皮夠薄又唔會穿左，好高質。另外亦叫左個紅油抄手，好特別佢係好似雲呑仔咁，上面淋d好似蠔油嘅紅油，食落辣辣地，口感偏綿密，同食開嘅唔一樣。因為好口渴就嗌左凍豆漿，有d細杯，但豆味算重，可以接受。