養心殿台式養生鍋 (已結業)

養心殿已經幫襯過好多次，今晚同朋友聚會見凍凍地，又揀左打邊爐！最出名係有各款唔同既湯底，全部都真材實料，淨係飲個湯都夠哂除左湯底都有好多少有既食材，例如係台灣A菜、豬天梯、牛胸爽等等。店鋪有提供調味吧，最特別係佢有蒜泥汁同香醋麻油。我地揀左酸菜白肉鍋同寧神養心鍋。酸菜白肉鍋除左有酸菜白肉，仲配有寬粉條，寬粉條煙煙韌韌，超有口感！湯底好重酸菜味，非常醒胃寧神養心鍋有藥材、烏雞同魚，所以好清甜！飲完個身都暖番哂！酸菜白肉鍋會再另送一碟酸菜同白肉！霜降肉眼肥牛，牛肉切成薄片，淥一淥就可以食，牛味濃郁打邊爐必食既響鈴新鮮炸起！個人中意淥兩秒就拎起，咬落仲好脆口，食極都唔夠丸類拼盤，呢度提供既唔係普通丸類，粒粒都有名堂架！有梅菜豬肉丸、牛肉芝士丸、墨魚丸、蝦丸、鵝肝墨魚丸同黑松露蝦丸！全部都好彈牙！粟米超甜！極度推介！少有既台灣水蓮、咬落好爽口！最後點少得台式邊爐必點既鴨血！切得好厚身所以唔會好易散！除左食物，座位都坐得好舒服，因為係冬天，店員仲有提供衣架俾客人掛衫，好貼心啊❤️無論食邊個分店都keep倒質素，不愧為我最愛既火鍋店。