東寶小館 (已搬遷) 新店位置

今日黎左北角依到食野,由於都食過既關係,所以好快就叫到野食,首先黎既係依個例湯,今日既湯係粉葛赤小豆豬骨湯,依到幾好笑既就係佢無錢買味精,姐係無味精喇,不過佢真係做到。入口湯味算係幾清淡,真係無咩味精既感覺,果然真係無錢買,不過粉葛同赤小豆既香氣就有D唔夠,唔太夠濃,不過清清淡淡都算唔錯既。我地得四個人就叫左3樣野食,有依個凍食既瀨尿蝦,依個真係唔錯,只係叫左兩隻,因為佢份量都幾多下,所以唔洗叫太多,因為仲要食其他,依個瀨尿蝦蝦肉真係好鮮甜,蝦汁保留哂係裹面，味道真係好鮮甜，估唔弱佢仲有蝦羔，真係驚喜,咁樣食有好新鮮既味道！因為蝦無用到椒鹽,所以叫左椒鹽九肚魚 椒鹽味道唔重,雖然唔算重手,不過味道就岩岩好,唔會太過火,又唔會無咩味,另外魚塊炸得夠乾身，又唔會太濃唔錯。