影片
更多
2014-09-13
5604 瀏覽
今日寶貝請大家食放題~仲自己訂埋枱~真係難得~!!第一次黎呢間~要齊人先入得,入去即時計時~一切都好有效率...齊人一齊入去,目測地方唔細~黑黑暗暗~咁可以慳返好多裝修費~~枱櫈放得勁密~好似要密舖平面,放多一張得一張~感覺唔係咁舒服...我地被安排到一個偏入的位置,要出入自己拎野飲都几唔方便~我呢D米之連人,緊係坐定定等寶貝服侍LA!!飲品款式選擇多~寶貝一次過囉左几種,免得成日出出入入~睇睇點菜紙~一般放題的款式都有~分別只在品質~!刺身 – 出品算新鮮,冇腥味,而且擺放得體~睇落都几開心~每件有如三份一粒麻雀咁大,唔算厚切,都有少少咬口,冇走單冇比少~令人滿意~!燒物,一品料理 – 有時會過左火~羊架同燒魚都重手左,而且落重漿汁~加埋暗暗的環境,唔入口都分唔出係燶係漿汁定係其他了…其他出品尚算唔錯~至少好多出品都保持到水準,牛油菇有牛油味~炒得香香的~唔會太濕~!由於大家的重點都放喺刺身上,所以熟食比較少點~但臨尾總要點返個店長推介的牛奶海鮮鍋~!!好香牛奶味入口咸咸地~海鮮係魷魚蟹柳同蝦仔,配以南瓜同蕃茄,感覺好特別~值得一試~!時間過得好快~我地都未食完服務員就話夠鐘~連LA
第一次黎呢間~要齊人先入得,入去即時計時~一切都好有效率...
齊人一齊入去,目測地方唔細~黑黑暗暗~咁可以慳返好多裝修費~~
枱櫈放得勁密~好似要密舖平面,放多一張得一張~感覺唔係咁舒服...
我地被安排到一個偏入的位置,要出入自己拎野飲都几唔方便~
我呢D米之連人,緊係坐定定等寶貝服侍LA!!飲品款式選擇多~寶貝一次過囉左几種,免得成日出出入入~
睇睇點菜紙~一般放題的款式都有~分別只在品質~!
刺身 – 出品算新鮮,冇腥味,而且擺放得體~睇落都几開心~每件有如三份一粒麻雀咁大,唔算厚切,都有少少咬口,冇走單冇比少~令人滿意~!
燒物,一品料理 – 有時會過左火~羊架同燒魚都重手左,而且落重漿汁~加埋暗暗的環境,唔入口都分唔出係燶係漿汁定係其他了…其他出品尚算唔錯~至少好多出品都保持到水準,牛油菇有牛油味~炒得香香的~唔會太濕~!
由於大家的重點都放喺刺身上,所以熟食比較少點~但臨尾總要點返個店長推介的牛奶海鮮鍋~!!好香牛奶味入口咸咸地~海鮮係魷魚蟹柳同蝦仔,配以南瓜同蕃茄,感覺好特別~值得一試~!
時間過得好快~我地都未食完服務員就話夠鐘~連LAST ORDER都冇講~ V_V
我地緊係要了解一下LA~邊可能提都唔提一下呢?之後服務員就免為其難咁問我地仲有冇野未黎..我地同佢講甜品未食,佢地先拿拿林咁落單同上枱,仲叮囑我地要快D食晒..唉~
甜品方面我地試左佢的燉蛋同雪糕, 燉蛋係凍食的,相信己製成好一段日子,所以雪到有D裂~
蛋味唔係好重~一句講冇咩食燉蛋的感覺…
總括黎講..這個價錢的話,先放下自己的要求及幻想..未去過既可以一試~去過的我會試下第二間~! ^O^
題外話/補充資料：
店舖有蚊型洗手間供應,迫迫細細濕濕窄窄…所以米之連人可以的話都係忍耐一下,搵另一個更好的解手吧~!
我覺得呢間的服務員好得意~可能佢地想同客人’打成一片’~所以有時會講D唔應該講既野~(朋友就話姐~而家唔係嘛….)有時唔知佢係溜咀定係有心,令人聽落唔係咁舒服~~而且大家坐得真係親密左D,做多一枱得一枱...明白的~
(以上食評乃用戶個人意見 , 並不代表OpenRice之觀點。)
張貼
