立体派拉麵 (棉登徑) (已結業)

我最愛嘅ramen cubism立体派🥰喺尖沙咀開左新分店呀，以後食拉麵🍜唔洗過海喇.佢地最近有個新嘅拉麵叫黃金味噌拉麵，係日本拉麵冠軍🏆嚟架，咁勁抽當然要試下啦，佢上菜仲要喺個鐵箱入面攞出嚟架，好有日本🇯🇵feel呀.呢個拉麵同平時食開嘅有啲唔同，平時一般都係有豚肉叉燒🐖，筍，糖心蛋🥚呢啲配料，不過呢個就用咗肉碎，椰菜同腐皮福袋，肉碎口感鬆化，褔袋入面就有啲辣嘅粉絲碎，我都係第一次喺拉麵入邊見到呢啲配料🤩，呢碗拉麵無論湯底同埋配料都比較濃味，有少少辣🌶，都幾香口.呢外一碗當然係要叫我嘅每次必點 - 特級白湯啦🐓，佢哋嘅雞白湯真係冇得輸👍🏻，香濃嘅雞湯，配埋粗身彈牙嘅拉麵，已經成為咗我嘅favourite喇❤️