立体派拉麵 (棉登徑) (已結業)

拉麵店喺尖沙咀，都近出口😁交通非常方便，由於最近肺炎疫情反覆，所以趁疫情好少少嘅時候😭就想出街食下飯唞吓氣😇就搵咗呢間拉麵店👍拉麵方面有六種唔同嘅拉麵湯底，而且非常有特色！我就揀咗鯖魚香菇野菜海蝦拉麵🥰海鮮拉麵唔係成日都見到，而且佢隻蝦仲係冷盤嚟嘅！非常之有特色🤤蝦身好爽口，有少少酒香！回味無窮！而朋友嗌左特級白湯，係豬骨湯底！非常濃郁🤤小食方面平時食嘅餃子都係煎餃子😝但係今次呢度係炸餃子👍👍非常少有!外脆內軟！非常有口感！得閒飲支波子去汽水回味無窮👍👍

其實我本人就唔係話好鍾意食拉麵，但有一次去日本旅行食到一間非常好食嘅雞白湯拉麵，令我愛上左依隻味道。今次嚟到尖沙咀覓食，知道立體派呢間拉麵專做雞白湯，就決定去一試啦！我哋兩個人就分別叫咗兩款拉麵，除咗叫招牌嘅特級白湯拉麵之外，我哋仲試咗海體醬油湯。先講講個招牌作品啦。果然冇令我失望，白湯有好濃嘅雞味，絕對食得出佢係真嘅雞煲出嚟🤣 濃郁得來又唔會好重口味，唔會有平時食豬骨湯嘅油膩，會有清新嘅感覺，呢個亦都係我鍾意食雞白湯嘅原因！而且拉麵亦都可以同店員講想要硬身定係軟身，另外拉麵配嘅糖心蛋亦都做得好好，醃得夠入味。另外醬油湯底配嘅豬腩肉都好有驚喜，表皮燒得幾香，而且非常大件！最後講吓我哋叫嘅小食，佢嘅炸雞好鬼多汁而且一定一定係即炸嘅，呢啲就一定有保證啦～ 韭菜餃都係佢哋自己手作嘅，煎得香脆之餘又唔燶。不過我就建議大家唔好叫兩樣都係肉嘅小食，因為佢拉麵已經好多肉啦。可以試吓佢嘅菠菜！飲品方面我哋就叫咗烏龍茶，係平時出面買唔到嘅日本茶，都幾特別㗎！

吃貨這間拉麵店🍜口以👌👌收藏起來吧(今次就是一篇很爛的caption)🤣🤣🤣#ramen#點解而家我食量咁大食兩碗面#唉#ramencubism #TheEdenShio #禁果之鹽 #HayashiTakao 啲拉麵真係好好食㗎雖然價錢比較貴不過完全係值得的如果大家好耐冇去過日本就快啲入去食下日本拉麵嘗試吓感受下日本風味

招牌雞白湯拉麵確實唔錯🍜原來秘密湯底特別選用肉汁豐腴的日本米鴨 有機飼養的京都丹波地雞 昆布 加上大量雞骨熬製而成 難怪如此鮮甜💯麵質同叉燒就正常發揮～ 但我最鍾意係個湯底無豚骨拉麵嘅油膩感 飲完唔會覺得特別口渴 仲好似補充左骨膠原🥰小食方面都唔錯🥢汁煮厚切叉燒 肉質軟嫩多汁 邪惡的滋味🤤炸雞軟骨餃子 略嫌唔夠熱同脆 但都係好足料的🥟

限聚令前夕 拿拿聲去左一直想試既立体派食拉麵同小胖男友order左兩款拉麵同兩個小食share呢碗就係傳說中既2018世界拉麵爭霸戰既冠軍熱湯拉麵 - 特級白湯拉麵 揀左大size的確真係超大碗叉燒既肥瘦均勻 拉麵偏粗肉 而最特別既莫過於係佢既湯底有別傳統既豬骨湯 而係濃而不膩既雞湯 無諗過同拉麵咁夾 小妹非常鐘意另外溏心蛋都一樣好味另一個拉麵就揀左海體醬油湯拉麵海體唔係海鮮 而係呢件貌似五花肉既豚角 肉質鬆軟 同五花肉入口即溶既感覺有得比湯底方面係濃郁既醬油湯底 非常掛湯 岩晒小胖男友口味小食方面 小妹揀既軟骨餃子口感好好 不過就建議要盡快襯熱食 因為小妹放得太耐 食到最尾果件有小小開始變淋既跡象而唐揚炸雞 雖然外表好似炸到好乾 但實質外脆內軟 非常嫩滑 同埋份量都幾抵食

原本諗住食個間太多人，結果誤打誤撞食咗呢間，竟然有驚喜🍊.🍜特級白湯拉麵個碗超級大，有我5個手掌咁大🙈好濃嘅豬骨湯味，一食已經上癮🔥特別出色嘅係叉燒，大大塊，肥瘦均勻，吸曬啲湯汁😭唯一可惜嘅係個湯唔夠熱，只係暖暖地。.🍜鯖魚香菇野菜海蝦拉麵碗麵有好多餸😂啲蝦大大隻又夠新鮮，而個湯都比白湯熱好多，食落舒服好多🥰鍾意鯖魚嘅朋友一定要試😆.🍜名古屋風雞翼唔會特別出色，不個$38兩隻雞全翼唔算貴，可以一戰🍗.🍽味道: 3.8/5🏙環境: 4/5👨🏼‍🍳服務: 4.5/5💧衛生: 4.5/5💰價錢: 3.5/5

立体派呢間日本冠軍拉麵立足左係hk一段時間,今日終於再有時間再清下自己張美食list,第一眼見到立体派就決定要試下.特級白湯用上日本米鴨,京都丹波地雞及昆布等熬製而成,湯底呈奶白色入口香滑不油膩,富有骨膠原感,喝光湯底亦唔會有口渴感.碗內鋪上大大片既薄切叉燒入口滑嫩一d都唔似平時拉麵店叉燒既感覺.拉麵麵條同樣自家製,入口彈牙,掛湯力強.海體醬油湯以9款日本醬油調味而成既醬油湯底,賣相不會令人感覺混濁相反清澈而且味道淸醇,醬油味帶甘甜又唔會過鹹.配以經過燉煮厚切叉燒豚腩肉味道更濃郁,一層一層肥瘦相稱既腩肉入口豚脂香而不膩係口腔中慢慢化開,絕品.香炸雞軟骨餃子,放入口中先聽到外層餃子皮清脆聲音,後有雞軟骨脆卜卜既咔嚓聲,富有層次既口感.名古屋風雞翼面上灑上粒粒白芝麻及黑椒碎入口脆卜卜,外層塗上微甜既醬油入口加上雞翼汁十分惹味.

喺尖沙咀棉登徑有好多唔同嘅日本舖頭，上次喺同一條街食過日式小店，今次就同朋友食立体派既拉麵🍜。推開燙門後，店員比左消毒酒精我地消毒雙手，店內亦加咗好多木製隔板以保持衛生。咁熱嘅天氣就梗係要即刻叫番兩支嘢飲唞唞氣，波子汽水就啱哂🧊童年回憶即刻番晒嚟🤩我哋先叫咗兩個小食。名古屋風雞翼 ($38)雞翼只有兩隻，不過係全翼，大大隻啱啱好每人一隻🤩而且脆口，一定趁熱食！😋麵豉香蔥黑豚腩肉 ($38) 黑豚腩肉好入味，份量比想像多。個人而言肥瘦適中，唔會太多肥豬肉啱啱好👍🏻。特級白湯拉麵 ($118) 上網見到好多人推介，就即刻叫咗尼試。拉麵嘅份量好多，而且個碗大到有啲驚人😛(足足大過我隻手掌一倍)😛，大大片切到好薄嘅白肉，入口即溶。最中意係佢既湯底夠濃郁，忍唔住不停飲😋。鯖魚湯香菇野菜海蝦拉麵 ($108)呢款嘅湯底比白湯口感更豐富，伴有好多蔥同雜菜等，標示住辣但辣味唔算重。海蝦亦都好大隻好新鮮！

同食肉獸嘅朋食嘢一定肉多😆食拉麵都唔例外，肉都係好重要👏🏻今次食嘅呢間拉麵都幾特別，海體醬油湯($88) 用醬油慢煮豬腩肉叉燒，啖啖肉仲要勁淋，真係可以入口即化，腩肉份量仲要大大份一大塊👍🏻，不過就咁食就會覺得有啲咸，但加埋拉麵一齊食就岩岩好啦！食肉獸嘅不二之選🤣而我就揀左 特級白湯(大)($118)，一上枱嚇親我，個碗超級大，大過我塊面多多聲！有啲擔心自己食唔食得晒！好濃郁嘅白湯加上3片薄切而又大片嘅豚肉，脂肪分部好平均所以口感又嫩又滑！👍🏻正！估唔到我咁大食，真係食晒成碗🙈我哋仲加左兩個小食，去下油膩嘅 柚子漬大根，厚切又好清爽，食到停唔到！另外一個係自家製嘅蕃薯脆波波，我以為係平時外脆內軟，但原來唔係，佢外面都係軟軟地仲有啲糖霜係面，入面仲咬到有蕃薯粒！

棉登徑雖然地理位置相對偏僻少少但係實在太多人氣食肆喇🤤最後揀左過江龍拉麵店立体派試試! 💁🏽‍♀️我地兩個人試左兩款小食同兩款拉麵~~🍠蕃薯控本來想試下「自家製蕃薯脆波波」但係因為當日賣哂 所以最後揀左一菜一肉!鰹魚凍湯浸菠菜 ($28)好少食凍食既菠菜菠菜上面鋪左好多木魚絲菠菜浸得幾入味 又夠凍 清清地既前菜之選! 🌟麵豉香蔥黑豚腩肉 ($38)份量都幾多 有7-8塊咁多!大量既幼蔥絲鋪係腩肉上面麵豉醬濃厚 夾住蔥絲一啖咬落去脂油滲出黎 平衡番厚身既麵豉醬同乾身既蔥絲 邪惡😈但好正!我就試左比較少見既鯖魚湯底拉麵👇🏽🍜鯖魚湯香菇野菜海蝦拉麵 ($108)雖然menu上話辣既 但係我覺得只係微微辣味! 唔食辣既都可以試! 最鍾意既係呢碗麵有大量既紹菜同菇! 不得不提 3隻海蝦大隻又好正! 🦐🦐🦐 食落覺得品質幾好!加上有酒香 又係凍食 所以我覺得係食緊醉蝦~~ 🍜特級白湯(大) ($118)超大碗 佔張枱接近一半!本身細個碗既麵量都唔少(利申: 我食唔哂!) 大個碗更加不得了 岩哂男仔食! 👦🏽👨🏽拉麵湯頭濃稠而唔太油膩 雞肉味道最出~~低溫慢煮叉燒 有薄薄既三大塊 肥瘦度適中 肉質

棉登徑既食店一向都來頭唔少，今次同朋友就試左日本冠軍級拉麵大師林隆臣開設既立体派😍我地都唔算太肚餓，所以都叫左特級白湯(小)$88試試佢😙.本身都鍾意雞白湯既質感，唔會好似豚骨湯底咁油膩，但又會帶有雞肉既香味😋而立体派既白湯湯底雖然味道未至於十分濃郁，但感覺清甜舒服😌.雞白湯配上薄薄既叉燒同軟硬適中既麵底，同埋小碗既份量對我同朋友黎講啱啱好👌🏻雖說成碗拉麵未算太驚喜，但質素算中上，整體來講我地都覺得會有下次😄

今日約咗舊同事食飯，因為經過尖沙咀，又想食日本野所以就揀咗呢一間喺K11附近嘅舖頭啦。入到去都幾有日本嘅感覺，可能因為早所以唔太多人感覺好乾淨，唔錯。佢哋拉麵都幾有特色，唔係平時喺啲拉麵店見到嗰啲，我哋叫咗特級白湯，真係勁大碗好似可以兩個人食咁樣，另外同friend叫咗另一就係有少少辣嘅海蝦鯖魚湯椰菜香菇拉麵，我覺得海蝦都幾特別，應該用一啲特別嘅湯浸過下，不一樣嘅口感。小食方面我哋叫咗兩個小食一個係自家製餃子，同埋面試香蔥黑豚腩肉🤩黑豚感覺真係好食啲同埋都幾新鮮佢餐廳都有提供水機但係我哋最後都飲咗綠茶，係支裝所以感覺衛生啲幾好😚最後感覺都幾抵食，比起普通嘅拉麵特別啲又好食啲🤪🤪🤪🤪

呢幾年香港興起左拉麵熱潮，有唔少過江龍喺香港開店，不過品質就參差不齊，今日嚟到尖沙咀嘅立體派，會一會佢。一嚟就叫咗招牌嘅特級白湯，個碗就好大，好架勢，唔知食落又點呢？先飲啖湯，唔算話得好濃，不過都幾有膠質，麵條彈牙，唔會過熟。再食叉燒，口感有啲似火腿，入味，不過切得薄身得滯。朋友就叫咗鯖魚湯野菜海蝦拉麵，碗湯入邊真係有好多唔同嘅菜，感覺同平時食開嘅拉麵唔同，至於蝦係凍上，用咗味淋高湯去熬製而成，食落都幾彈牙。小食就叫左雞軟骨餃子同豚肉燒，餃子口感就幾特別，入邊啲雞軟骨係絞碎左，但都仲有嗰種索索聲嘅口感，幾過癮！豚肉燒感覺似係湯入邊嗰款叉燒嘅厚切版，如果叫小食，好似都係叫炸雞或者靠自己好啲。除非你個碗麵本身係冇叉燒㗎啦。總括嚟講，立體派都係一間唔錯嘅拉麵店，大家經過可以去試吓。