椈 (已結業)

收工唔想迫車返屋企，最岩就係約人食飯，今次就試新野，去左中環嘅【椈】。前菜叫左個煙三文魚沙律 ($78)，清清地，幾開胃。飲品方面就叫左巨峰梳打 ($48)同埋荔枝梳打 ($48)，如果想飲酒，呢度都有啤酒，不過第二日仲要返工，我地就不了。炸物拼盤 ($88)幾特別，本身以為係炸雞，但食落係炸八爪魚，另外仲有炸一口豆腐。串燒當然唔少得啦，我地兩個人菜又有叫，肉又有叫，例如：雞頸肉 ($38)、雞軟骨 ($38)、雞皮 ($28)、明太子雞翼 ($38)、燒甜薯 ($28)、秋葵 ($22)同埋多春魚 ($28)，真係一飽口福。最後叫左個三文魚櫻花蝦炒飯 ($138)，炒飯粒粒分明，而且啖啖料。最後嘅最後，當然係食甜品啦！就係開心果芭菲 ($58)喇。