影片
更多
2015-05-06
2190 瀏覽
凱程姐未到，我已經好肚餓喇，自己食住先，仲有免費 saka 招待。枝豆，餐前免費小食。枝豆正常地爽脆，味清新，無咩特別。 蠔杯三味配太平山天巧大吟釀，蠔杯三食，分別係日本髮菜、昆布、茄汁。佐賀生蠔勁鮮甜肥美，略帶爽口而多汁。我試第二杯既昆布時，奇怪地隻蠔有雪味既？應該隻蠔係新鮮即開架喎，唔通跌左粒碎冰入口？冰填蠔杯保持溫度，入口時非常涼快。茄汁蠔杯味道偏酸但會增強食慾，味道跟西餐生蠔汁有點相似。昆布杯帶昆布甜味，而髮菜杯就帶淡淡醬油香氣，我個人比較喜歡髮菜跟佐賀生蠔既配搭，清淡得黎又嘗到生蠔原味。太平山天巧大吟釀，今晚雖然係品酒會，我都鍾意飲 saka 既，不過唔多認識囉。Saka 名又長又複雜，唔記得邊隻打邊隻，總知全部都好飲啦。鱈場蟹、毛蟹、紅蟹三味刺生配天領純米吟釀生貯藏酒，第 2 道菜賣相非常吸引，好精緻奪目！跟第 3 道菜一齊出。我都非常鍾意食蟹，咁少份量我當然唔夠夠啦。三款蟹都十分鮮甜味美，主持應該介紹由淡食到濃架麻。毛蟹味道最清淡，但肉質最有彈性及咬口，而且蟹膏份量非常澎湃，味道甘香無比。跟住到紅蟹，鮮甜又彈彈的。最後都最濃味最鮮甜既鱈場蟹，超彈質地，特濃蟹香，無得輸！當
忌廉焗珍寶生蠔配澤姬純米吟釀暖飲，可能前幾道菜實在太出色喇，到左偏向西式既焗蠔似乎有點失色及普通，不過不失為一個中場緩衝區，休息一下回一回魂，再迎接下一道令人期待既美酒佳餚。生蠔未算預料中既珍寶，只屬吊車尾 No. 2 size 左右，肉身都較為薄。鮮蠔味夠，但我厭唔夠熱、忌廉味道未見香濃，整體只係一般貨色。千兩壽司，賣相非常搶眼喎，MC 風趣地提配大家墊底既唔係金箔黎架，千奇唔好食埋呢 ﹗有點似他他既做法，將極肥美既吞拿魚蓉舖係圓形既壽司飯上面，再 on top 加上蟹膏及馬糞海膽，一啖整件啪入口中，各種材料係口腔內打滾 ﹗蟹膏既甘香、吞拿魚極豐富既魚脂、飽滿乾爽嚥韌既夀司飯溶為一體 ﹗味道複雜而多層次，無得頂 ﹗築地魚壽司兩點配太平山生元純米神月，金目鯛配上壽司飯同樣美味，金目鯛魚味較縞鰺濃，加少少 washabi 豉油更能提升魚鮮味，好好味啊。係剛才食過既兩款築地魚生，白魚之皇縞鰺及時令金目鯛。今次縞鰺配上壽司飯同吃一樣咁好食，肉質即彈牙脆口亦不失白海魚既清甜，跟帶醋帶甜既飯粒一齊食，當然好味啦。松葉蟹明太子櫻蝦烏冬配澤姫若人釀酒特別醇米酒，依個烏冬撈比我感覺好似千島沙律醬囉。顏色好靚，味道酸酸甜甜幾開胃，烏冬較為軟身，都滿意既。不過食到最後真係好飽喇，我地仲飲左好多清酒呢 ﹗哈哈。綠茶雪糕配紅豆蓉，非常傳統日本人飯後甜點，但我又唔多鍾意食甜，朋友仔又唔多喜愛紅豆，所以大家只係試左一啖，都 ok 既。食得非常暢快既一頓豐富晚餐，美酒佳餚、價錢會理。餘興節目拍拍照、抽吓奬﹗做唔到有幸抽到支清酒呢，不過我唔想攞啊，交凱程帶返屋企同爸爸一齊嘆吧。又到離別既時候，唔知幾時先可以再見呢。
張貼
