牛極 (皇后大道東）

營業中

休息中

牛極石燒牛開到黎灣仔！應該就係一帶第一間呢個形式嘅石燒牛餐廳，今日午餐時間就黎食番餐啦。落單係自助機點餐，我就點左牛肩肉 180g（$80），係最抵食嘅選擇。跟住就出去攞自助沙律、牛肉湯、飯，仲有圍裙同餐具。沙律係野菜絲，爽口、可以自己加醋或者胡麻醬。牛肉湯，濃厚，仲有粒粒牛粒。飯係珍珠米我最欣賞。渣渣聲嘅石燒牛黎到，著番圍裙先。180g黎講都好大件啊，趁塊熱石夠熱就盡快切開煎，自己將一成熟嘅牛煎成自己鍾意嘅熟度。呢度嘅牛肩肉都好有牛味，加上呢度嘅燒肉汁、蒜、辣汁就更正。