影片
更多
2025-05-25
148 瀏覽
今個星期六趁得閒決定同朋友出中環飲返杯，今次去朋友介紹嘅「The Globe」，就係石板街附近。餐廳係經典西式酒吧，裝飾得好classic ，因為係星期六嘅關係，6點未夠已經好多人係度飲緊酒。環境好舒服，好多外籍白領人士同外籍遊客，感覺就好似去左外國咁。食物方面都係外國size，份量好足，而且食物都新鮮好味。今次前菜就試左個好特別嘅「蝦多士Prawn Toast」，估唔到又幾好食，炸個鬆脆嘅多士出面包住黑白芝麻，好香口。沙律都有驚喜，呢個「Peach & Prosciutto Salad」非常足料，傳統沙律菜加上甜桃，巴拿馬火腿同芝士，醬料好足所以食起上黎味道好豐富，好過出面啲沙律好多！主食一牛一炸魚，魚就普通正常款嘅fish and chips。牛就好推啦！係好抵食嘅澳洲肉眼牛扒「Australian Rib Eye」，好大一塊，兩個share 都夠食。五成熟烤得岩岩好，肉質鮮嫩，入口即融！最後食埋個甜品「Brownie」，雪糕配上熱熱地嘅Brownie，再配上唔同款式嘅啤酒，成晚都覺得好滿足！
食物方面都係外國size，份量好足，而且食物都新鮮好味。今次前菜就試左個好特別嘅「蝦多士
Prawn Toast」，估唔到又幾好食，炸個鬆脆嘅多士出面包住黑白芝麻，好香口。
沙律都有驚喜，呢個「Peach & Prosciutto Salad」非常足料，傳統沙律菜加上甜桃，巴拿馬火腿同芝士，醬料好足所以食起上黎味道好豐富，好過出面啲沙律好多！
主食一牛一炸魚，魚就普通正常款嘅fish and chips。牛就好推啦！係好抵食嘅澳洲肉眼牛扒「Australian Rib Eye」，好大一塊，兩個share 都夠食。五成熟烤得岩岩好，肉質鮮嫩，入口即融！
最後食埋個甜品「Brownie」，雪糕配上熱熱地嘅Brownie，再配上唔同款式嘅啤酒，成晚都覺得好滿足！
張貼
