影片
更多
2009-01-23
20 瀏覽
食左這間鋪差不多有十幾年啦, 差不多係我既飯堂。老實講, 真係睇住佢既轉變, 由潮州街老鋪, 到而家這間, 我一直都有幫襯。我覺得最好既東西, 佢一樣KEEP島, 好似蠔仔粥, 蠔仔多且大粒, 洗得無沙(好多鋪頭這點都做唔島), 湯底食到出有大地魚乾和白胡椒味, 而且比其他店更香, 聽電視講係因為間野落左少少蒜頭油。鵝片就好多間都好好食, 不過這間鵝既肉質特別好, 你可以見到肉好似係一層層, 你咬落去好有咬感, 今時今日打冷鋪堅持用獅頭鵝既真係好少, 所以雖然價錢唔算特別便宜, 不過都可以接受。 至於那最出名既浸鵝鹵水汁唔洗講, 真係名不虛傳, 好入味, 老闆話已經熬製左70年啦!! 特別一提係個鵝腸, 真係又嫩又入味, 點一點醋, 就更加鮮味 , 不過好快賣曬,唔係成日有得食。如果你同我一樣都係潮州佬, 不彷試下我鍾意既鵝頸同鵝頭, 骨頭中先最有鵝同鹵水既精華。最近我發覺那些丸(除左龍蝦丸之外)做得都不錯, 算係新發現, 特別係牛筋丸做得十分出色, 我自己最鍾意牛筋丸, 食過香港好多間面店, 這間真係算係最好食既一間, 這間特別用左潮州人既做法, 放左中芹同用手打既方法,所以有特
我覺得最好既東西, 佢一樣KEEP島, 好似蠔仔粥, 蠔仔多且大粒, 洗得無沙(好多鋪頭這點都做唔島), 湯底食到出有大地魚乾和白胡椒味, 而且比其他店更香, 聽電視講係因為間野落左少少蒜頭油。
鵝片就好多間都好好食, 不過這間鵝既肉質特別好, 你可以見到肉好似係一層層, 你咬落去好有咬感, 今時今日打冷鋪堅持用獅頭鵝既真係好少, 所以雖然價錢唔算特別便宜, 不過都可以接受。 至於那最出名既浸鵝鹵水汁唔洗講, 真係名不虛傳, 好入味, 老闆話已經熬製左70年啦!! 特別一提係個鵝腸, 真係又嫩又入味, 點一點醋, 就更加鮮味 , 不過好快賣曬,唔係成日有得食。
如果你同我一樣都係潮州佬, 不彷試下我鍾意既鵝頸同鵝頭, 骨頭中先最有鵝同鹵水既精華。
最近我發覺那些丸(除左龍蝦丸之外)做得都不錯, 算係新發現, 特別係牛筋丸做得十分出色, 我自己最鍾意牛筋丸, 食過香港好多間面店, 這間真係算係最好食既一間, 這間特別用左潮州人既做法, 放左中芹同用手打既方法,所以有特別既香味且彈牙, 這樣既牛筋丸外面真係好難搵島, 我每次必叫一個4寶丸, 都係十幾蚊, 幾抵食。
至於蠔餅,唔知係周中, 羅家英定係肥谷推介 , 雖然唔再係大排檔食, 無得睇住佢煎,無從前既風味,但係仍然好有鑊氣, 重聞到鴨蛋既香, 唔似其他既打冷鋪只係用雞蛋做, 味道差好多。
如果多人去食既話, 我會叫埋沙嗲牛肉河同胡椒豬肚湯, 份量好夠, 豬肚湯清得黎, 重好有胡椒粒既香味, 一貫潮州既做法。
雖然佢好多東西我都一樣照撐,不過, 有好多麻麻地既地方, 好似好多人彈既鋪頭環境, 可能舊, 鋪面廁所都算不上企理,不過打冷鋪我就唔會expect好多, 比起以前大排檔果時, 已經好左好多啦。
同埋d服務真係………老細睇住我大, 同我就好好傾, 好親切, 不過果d 舊臣子都退曬休, 以前果d會認得你, 同你打招呼, 介紹你試d咩, 雖然唔識入黎講 “歡迎光臨”, 我走時講”多謝光顧”之類既機械式禮貌, 不過你會覺得好親切, 你講潮州話, 佢都重會同你傾多兩嘴, 而家新請果d就唔知頭唔知路, 無咩heart, 態度又唔係咁有禮貌同親切, 成日漏單, 又要你等, 唔知係咪咁,所以我見老闆都成日換人, 不過新黎既始終都係服務麻麻。
張貼