維記咖啡粉麵

每次黎深水埗,除左會諗起新香園之外,維記都一定都會諗起!

全因為佢既豬潤麵實在令人又愛又恨.....味道好好但膽固醇超高......

呢日經開我又比我既魔鬼引誘左入去,唯有同自己講食一次半次唔緊要既

我又叫左豬潤麵,食左咁耐都冇令人失望~

啲豬潤多到滿,好大碗,最重要係唔腥唔靭,無血腥味,爽脆香甜,好入味!

豬潤水仲鮮甜,令人一飲再飲.

唯一差既係個賣相.....碗面有好多泡泡，賣相唔係咁好...

公仔面吸哂個豬潤湯底既味,超正!!

始終食豬潤麵最好都係呢間.