影片
更多
2022-09-21
67 瀏覽
Honbo是全球最佳漢堡唯一入榜的香港漢堡店。由醬汁、漢堡扒到麵包都是餐廳親自製作，漢扒特別混合多種牛肉部位製成，如本地牛腩及美國牛肩，牛味濃郁，「牛魔王」必定喜歡。招牌漢堡有份量十足的雙層4 安士或四層2安士牛肉漢堡，一定可以滿足漢堡迷🤩🤩今晚嚟到尖沙咀分店朝聖，每次經過必定大排長龍，尤其這分店有幾張卡位枱係向住海，這樣的環境，食住咁高質素嘅漢堡，誰能抗拒，難怪日日咁多人，我哋差唔多夜晚九點嚟到都仍然仲係排緊隊🫢🍔▪️DOUBLE CHEESE BURGER $ 158雙層芝士牛肉漢堡，首先漢堡麵包煙靭鬆軟，最大優點麵包並唔會因為牛肉嘅汁整到淋哂，質感非常好，重頭戲兩塊四安士嘅牛肉，煎到外脆滿滿肉汁，口感實在，配合埋兩塊邪惡嘅芝士，大量生菜，蕃茄，青瓜中和返，喜歡嘅話加點芥辣一齊食，更加好味🍔🥓▪️THE GOLD STANDARD $ 178這個鎮店之寶，分量十足，除了雙層芝士和牛肉之外再加上兩塊煎得香脆嘅煙肉，口感更加豐富，雖然係極度邪惡，本來以為食唔晒，但係最後都能輕鬆解決，因為實在太好食，美食永遠都能戰勝邪惡，男士或者大胃王一定要食呢個🧀🍟▪️CHEESE FRIES $58剛剛炸
Honbo是全球最佳漢堡唯一入榜的香港漢堡店。由醬汁、漢堡扒到麵包都是餐廳親自製作，漢扒特別混合多種牛肉部位製成，如本地牛腩及美國牛肩，牛味濃郁，「牛魔王」必定喜歡。招牌漢堡有份量十足的雙層4 安士或四層2安士牛肉漢堡，一定可以滿足漢堡迷🤩🤩
今晚嚟到尖沙咀分店朝聖，每次經過必定大排長龍，尤其這分店有幾張卡位枱係向住海，這樣的環境，食住咁高質素嘅漢堡，誰能抗拒，難怪日日咁多人，我哋差唔多夜晚九點嚟到都仍然仲係排緊隊🫢
🍔▪️DOUBLE CHEESE BURGER $ 158
雙層芝士牛肉漢堡，首先漢堡麵包煙靭鬆軟，最大優點麵包並唔會因為牛肉嘅汁整到淋哂，質感非常好，重頭戲兩塊四安士嘅牛肉，煎到外脆滿滿肉汁，口感實在，配合埋兩塊邪惡嘅芝士，大量生菜，蕃茄，青瓜中和返，喜歡嘅話加點芥辣一齊食，更加好味
🍔🥓▪️THE GOLD STANDARD $ 178
這個鎮店之寶，分量十足，除了雙層芝士和牛肉之外再加上兩塊煎得香脆嘅煙肉，口感更加豐富，雖然係極度邪惡，本來以為食唔晒，但係最後都能輕鬆解決，因為實在太好食，美食永遠都能戰勝邪惡，男士或者大胃王一定要食呢個
🧀🍟▪️CHEESE FRIES $58
剛剛炸起香脆嘅薯條配合埋熱熔芝士，香濃嘅芝士熔岩，薯條唔需要點額外醬汁，已經非常好食，店舖有配製自家製嘅千島醬汁，薯條點呢隻醬汁又是另一番風味
🍗▪️ BUFFALO WINGS $78
好正宗嘅水牛城雞翼，滿滿醬汁微微香辣，雞翼外層香脆，肉質鮮嫩，最喜歡加咗Sour cream，大量香蔥，完全啱晒我口味
🍋▪️MIKE'S LEMONADE $ 38
美式檸檬水，新鮮檸檬汁加上蜂蜜，梳打水
酸度十足，微微甜，有清香嘅薄荷葉味道，係食漢堡包嘅最佳配搭，解膩啱晒
🍹▪️APPLE PIE ICED TEA $ 38
好喜歡呢杯蘋果飲品，首先要食咗面頭嘅幾塊蘋果乾先，濕潤帶煙韌口感，好香蘋果味，另外一定要喜歡肉桂，一啖飲落去係好香濃肉桂味道，配合冰凍嘅蘋果紅茶，真係好似食緊蘋果批嘅味道，好好飲
張貼
