櫻壽司和風料理 (已結業)

加班加班，得返半條人命，梗要食返啲好嘢補充能量值，所以今次叫咗更豪華嘅「海膽魚生飯定食」（$92），因為外賣自取，折咗$85，打定電話去，20分鐘後去取！打開蓋嗰一刻，真係好開心，個碗滿滿放晒魚生，有四團海膽，配青瓜食，好新鮮（唔新鮮嗰啲會溶溶地）三文魚，呑拿魚，劍魚，蟹柳，魷魚，蟹籽，日本蛋，一隻蝦，色彩繽紛，應有盡有，賣相好靚！魚生新鮮，好滿足，今次豉油用個小樽裝住，方便了！可惜即沖麵豉湯都係一般！最奇怪係，既然有咁嘅水準，張傳單點解唔印好啲，吸引力高啲，而家黑白印刷，一啲都睇唔到出係乜！真係趕客！