居串屋 (已結業)

差不多十一點黎到, 兩個人點左下列野食:皮蛋青瓜: 皮蛋係溏心, 唔錯! 但青瓜無拍過, 完全唔入味, 加上有陣唔知點既怪味。川燒牛舌: 落左極多孜然粉, 直頭係好似孜然漿咁, 理所當然地乜味都無只係得孜然味。川燒雞腎: 同牛舌一樣都係極多孜然粉(漿), 最唔掂係最尾果幾舊唔多熟。川燒豬仔肶: 味道比較正常, 但好似好乾咁, 唔知係咪燒左放係度好耐再翻燒川燒金菇肥牛: 都係同牛舌一樣都係極多孜然粉(漿)川燒雞翼: 最唔掂呢樣, 雖說係好平, 十蚊串有三隻。不過啲雞翼似係先蒸熟, 有人order再攞去係咁二燒返熱, 食落去完全無串燒雞翼既香口, 直頭係似食緊蒸雞翼, 再加上又係極多孜然粉(漿), 又係得一個孜然味。啤酒: 夠凍, 同埋個碗係雪過黎總結: 呢家店一切都幾好, 唯獨是野食真係非常麻麻, 除非你係諗住去食孜然粉要搵啲肉類送下口。作為一間串燒店高難度野整得普通可以理解, 但連最基本燒雞翼都燒到咁就真係令人搖頭嘆息。