影片
更多
2010-09-29
39 瀏覽
25-9-2010朋友夜晚喺文化中心有節目, 無份的我只可陪佢食個 early dinner, 嚟到呢間頗人氣的小店食豚肉丼. 大家都叫了豚肉丼定食 ($68) 有豚肉丼一碗 (duh...), 味噌湯, 漬物及大根沙律:-豚肉丼: 薄切豬肉燒得幾香, 不過就瘦多過肥, 食落亦「瘦還瘦, 肥還肥」, 瘦肉部分較韌又較嚡, 肥部分就當然較軟熟, 略帶油香; 而最好食就絕對係 d 汁, 香濃帶甜, 配上軟熟的白飯, 有少少飽滯, 但係幾好食的,「碗底朝天」絕對無難度. 大根沙律: 大根切得好幼, 食落清爽, 豚肉丼咁飽滯, 食點大根沙律清清口腔就最好. 漬物係酸薑, 唔辣, 仲幾甜, 不過當然仍然酸多過甜, 亦無常見的澀味, 消滯不錯的.味噌湯: 湯底飲落幾清甜, 配料係 standard 的昆布, 蔥花及豆腐... 昆布份量好多 , 豆腐就呈圓 dum dur 狀, 食落極滑溜, 帶淡淡豆香, 簡簡單單又幾好飲.亦叫了 a la carte 薯仔沙律 (好似 $45) share 食, 係一眼睇晒的兩 scoop 薯仔加中間一 pat 蛋黃醬... mashed 薯仔質地帶粗糙,
朋友夜晚喺文化中心有節目, 無份的我只可陪佢食個 early dinner, 嚟到呢間頗人氣的小店食豚肉丼.
大家都叫了豚肉丼定食 ($68) 有豚肉丼一碗 (duh...), 味噌湯, 漬物及大根沙律:-
豚肉丼: 薄切豬肉燒得幾香, 不過就瘦多過肥, 食落亦「瘦還瘦, 肥還肥」, 瘦肉部分較韌又較嚡, 肥部分就當然較軟熟, 略帶油香; 而最好食就絕對係 d 汁, 香濃帶甜, 配上軟熟的白飯, 有少少飽滯, 但係幾好食的,「碗底朝天」絕對無難度.
大根沙律: 大根切得好幼, 食落清爽, 豚肉丼咁飽滯, 食點大根沙律清清口腔就最好.
漬物係酸薑, 唔辣, 仲幾甜, 不過當然仍然酸多過甜, 亦無常見的澀味, 消滯不錯的.
味噌湯: 湯底飲落幾清甜, 配料係 standard 的昆布, 蔥花及豆腐... 昆布份量好多 , 豆腐就呈圓 dum dur 狀, 食落極滑溜, 帶淡淡豆香, 簡簡單單又幾好飲.
亦叫了 a la carte 薯仔沙律 (好似 $45) share 食, 係一眼睇晒的兩 scoop 薯仔加中間一 pat 蛋黃醬... mashed 薯仔質地帶粗糙, 不過食落薯味極香, 配上酸酸甜甜又好香的蛋黃醬 (自家製的吧?), 簡簡單單卻十分好食, 最後又清碟.
食物簡單卻不錯, 小店環境及招呼都帶點家庭式作業 feel, 感覺幾舒服的一個地方.
埋單每人約 $90, 我覺得未到「非試不可」的程度, 不過感覺幾地道又食到好飽, 嚟開呢頭值得一試的.
張貼
