61
17
4
電話號碼
3484 3750
營業時間
星期一至日
12:00 - 15:00
18:00 - 20:00
付款方式
現金
座位數目
20
其他資料
酒精飲品
自帶酒水 詳細介紹
加一服務費
招牌菜
Ginger Pork Set Noren 'Butadon' Pork Bowl Potato Salad
食評 (82)
等級4 2013-06-24
99 瀏覽
蕃茄沙律 (雖然唔係日本貨, 但都酸甜適中) + 北海道薯仔沙律 (薯泥同薯粒加埋少少蛋黃醬撈埋一齊食配合得恰到好處)豚丼 (得三塊豚肉, 不過都叫大塊, 瘦肉部分腍身無渣, 有一小條脂肪邊又唔會感覺好肥膩; 醬油甜甜的拌珍珠米食唔錯)稻庭烏冬 (烏冬滑滑的, 不過始終都係對腍身既烏冬不太感興趣; 湯底清甜)焗咖哩芝士漢堡飯 (呢隻咖哩有辣度, 好惹味, 加埋半溶既芝士剩係咁樣撈飯已經好好食, 漢堡夠鬆身唔會死硬, 不錯) 繼續閱讀
(以上食評乃用戶個人意見 , 並不代表OpenRice之觀點。)
等級4 2012-01-26
6 瀏覽
尖沙咀區工作,特意走黎試這裡的豚肉,午市期間,剛好有位,真好彩,目標明確,就要一個豚肉生姜燒試試。豚肉好似吉野家牛肉飯既賣相,薄薄地一大碟,份量都唔少。平時食生姜燒,通常都只係食到洋蔥味,好少真係食到有薑味,這裡的兩樣都好平均,最好的就係唔會水水地,d汁收哂先上碟。雖話收哂汁,不過d肉都唔會太乾身,係好唔錯的豚肉生姜燒。飯係珍珠米,一大碗滿滿的,夠哂飽肚。個set仲跟個小食,要左粒蟹鉗,唔差不過唔係咩特別野,因為係無咩味。係有水準的豚屋,正野。 繼續閱讀
(以上食評乃用戶個人意見 , 並不代表OpenRice之觀點。)
等級2 2012-01-05
18 瀏覽
夜晚10時對面萬豚屋已截單,見過此店之前的食評也不錯,應該可以一試。全店只有一檯客,加埋我們才四人,好彩有點音樂不致場面太冷清。 朋友點了帆立貝拉麵,自己則叫了店主推介的咖喱芝士吉列豬扒飯($75),另外點了炸蠔($50/4隻)價錢ok, 也不是太細隻,熱辣辣炸起,不錯! 拉麵... 唉...同正宗兩個字真係爭好遠,淨係見到隻蛋都知唔掂,而我那個所謂"推介"咖喱豬扒飯真係自己煮都好食過佢,飯及miso soup 係夠熱,但咖喱是凍的,沒有微甜味道,反而比正常日式咖喱還要辣... 豬扒又鞋又un, no juicy at all,炸皮同肉完全呈分離狀態,厚切又如何?加埋兩片芝士也提升不到食慾,真的很難哽,要間唔中飲啖湯先食到半碟飯 本來有鋪"相機先食"隱,但食物賣相真係唔掂,不拍也罷。其實本人一向很支持小店經營, 但此食物質素真的.... 我接受唔到囉 繼續閱讀
(以上食評乃用戶個人意見 , 並不代表OpenRice之觀點。)
等級4 2012-01-02
3 瀏覽
記得第一次光顧Noren的時候,因餐牌只有英語及日語的關係,店家在牆上貼滿了每款食物的相片,還為每張相片編好數字,方便客人看圖點菜,當時覺得很富日式小店的味道 。 事隔年多,再次光顧,不知是否小店走紅了的關係,餐牌換上中、日、英三種語言,而且多了很多小食及燒物,牆上的食物相片消失了,感覺上少了一份日本情懷。總覺得芝麻醬很百搭,配冷麵 、 配沙律菜 、 配雞絲粉皮等,味道總不會差,所以點了一份芝麻冷豆腐,清新富豆香,是一個不錯的前菜。招牌豚肉飯定食有三片厚薄適中的豚肉,掃上特製的甜醬油,而每片豚肉均連着一條脂肪邊,為邊位添上一份脂香,特別好吃,店家所採用的是幸福麥豚,豚肉味濃,要彈的是瘦肉部份有點嚡口。那隻小青椒除了點綴外,帶菜椒的清香爽脆卻不帶辛辣。香軟的米飯加上甜醬油的味道,不消兩刻便把米飯吃光。另外點了一客豚肉生薑燒定食,洋蔥及薑的味道為鮮甜的豚肉增添一份惹味,卻沒有喧賓奪主,搶去豚肉的味道,生薑燒的豚肉較豚肉飯定食的細小及薄身,很適合拌米飯一起吃,一啖嘗盡洋蔥、薑、豚肉及米飯的美味。究竟幸福豚名字的由來是豬隻在飼養過程中感到幸福,還是會為吃的人帶來幸福呢? 繼續閱讀
(以上食評乃用戶個人意見 , 並不代表OpenRice之觀點。)
等級2 2011-11-28
2 瀏覽
晚上7:20一到達,已經有位。 等了10分鐘,友人才到。薯仔沙律: 都好好味, 但沒有太大口感, 好泥的感覺牛油焗雜菌:少許牛油味, 味道都唔錯燒雞泡魚干: 一般餃子: 無韮菜味道,有點怪怪的生姜炒豚肉: 炒得很香, 味道很好,姜味剛剛好元貝湯烏冬:味道不錯燒雞翼:很好味, 值得推介服務一般, 兩位侍應甚少主動為客人添茶, 亦沒有笑容.價錢亦合理,都值得再光顧. 繼續閱讀
(以上食評乃用戶個人意見 , 並不代表OpenRice之觀點。)