校長燒肉日韓料理 (沙咀道) (已結業)

今晚和友人難得見面食晚餐，去到荃灣不得不去朝聖！ 校長燒肉真係百吃不厭！所有食材 無論打邊爐或者韓燒，食材材料一應俱全！我最鍾意的莫過於熟食取，有齊曬所有炸物，旁邊仲有暖笠笠的糖水和湯水，而且所有野都可以自助拎，而且係疫情底下，餐廳對於防疫的措施都做得非常足，每張檯都會貼上厚厚的隔板，而且每桌客之間的距離闊度都好足夠，確保每檯客都安心進食。食物方面，肉類絕對不能放過，我和友人一邊打邊爐一邊韓燒，牛肉豬肉放在不同的器皿中煮，味道不一樣之餘，更可以節省煮食時間食到更多。所有肉類都非常新鮮，而且煮出來肉味非常出～ 除此之外，私心推介，雞軟骨和牛油粟米擺係爐上面燒真係一流，不過需要多少少耐性 擺係爐隔離等佢慢慢燒，超級棒棒！飲品方面，選擇多真是最大賣點，除了雪櫃雪凍嘅，仲可以揀室溫嘅，食韓燒邊爐真係唔少得飲品！