弘 CHIRASHI (已結業)

之前同一個位係做日式吉列豬扒，小弟都幫襯過三四次，性價比高，可惜都係做左兩三年就結業，甚為可惜。再開都係日式料理，以魚生飯做主打，唔同級數、唔同組合、唔同價位既魚生飯，小弟就點左較為特色既極上二段丼。單單兩層既呢個陣容，就已經夠晒吸引，上層既魚三舖得滿滿咁，唯一有少少大煞風景既係個玉子燒同北寄貝，玉子燒太甜兼無蛋味，北寄貝較簿身，同其它大大件魚生放埋一齊，有少少格格不入…值得一提既係佢地既藍鯺吞拿魚大腩真係大大件，絕不欺場，而且極度肥美，基本上全舊都係油，而唔係油花，入口既油係不停流出黎，可恨既係有少少根，影響左口感…佢地既三文魚，同樣肥美，當然唔可以同吞拿魚腩比啦！下層既主角，莫過於佔既飯面三分一比例既蟹膏。同樣放埋同一層而平時都幾吸引既吞拿魚腩蓉伴蔥花，係味道極為霸道既蟹膏在場底下，都只不過係大配角。蟹膏味極香濃重味，咸咸香香咁好似食梗蝦醬既感覺，雖則份量唔少，但係每次都珍而重之咁放少少入口到細細品嘗，雖然係放少少係口入面，但係個香味都足以滿足口入面既每一個味蕾，實在係好食到暈。食到呢個，連吞拿魚腩都係行埋一邊…除此以外，仲叫左個牛舌同雞串，牛舌夠厚身，可惜燒得唔香口，做唔到外脆既