莫老爺桂林米粉 (已結業)

話說新年無所事事行經深水埗，見肚餓想食碗酸辣米線。 可找遍附近都無找到，結果在地鐵站出口找到呢間桂林米粉。滿心期待，因為好耐無食辣。 接過餐牌細閱下發現原來除了有米線外，還有皺皮腸食添。 款式都幾多，而價錢都合理。由於好耐無食過雞蛋皺皮腸粉，於是就點了一碟嚐一嚐。 其實還有其他腸粉都想試；蝦仁腸粉、叉燒腸粉同瘦肉腸粉。 見佢賣相都幾吸引。 結果，腸粉味道不錯，又滑溜。麵食方面有桂林米粉同柳州螺絲粉揀，不過唯一欠奉可能係無辣度選擇，亦無湯底揀。另外，餸菜方面無得自由配搭。 要由預設套餐之中選其一。 結果我叫左碗叉燒米，見佢張相幾吸引，叉燒又係一條條咁。 後來，碗野黎到當然好大出入。 由一條條叉燒變為一粒粒。 不過都唔緊要，麵不可以貌相，都要俾個機會它。 不過味道其實好普通，湯底同水一樣，係多左啲酸豆角、炸碗豆同埋蔥咁溝下咁。總觀，皺皮粉皮值得一試。