瑞華餐廳 (已結業)

幫大小姐拿手機去銀城廣場維修，辦妥後，肚仔打曬鼓，繞了一圈，見到呢間茶餐廳，反正一個人食嘢，都是習慣速食完便走人，茶餐廳有我喜歡的凍啡，就呢間喇。叫了一個全日餐，有奶油豬(外脆內軟的)拼火腿奄列(蛋汁太少，煎出嚟很薄，但味道還可以的)，沙嗲牛肉公仔麵(公仔麵煮得剛好，不會淋Pat Pat,也不會硬掘掘，但牛肉就好韌，食咗一塊，其他已比我夾走曬，免得阻住我食麵)。其實，我們都知道舊式茶記的滑滑沙嗲牛是加了梳打粉才做出滑的效果，食太多梳打粉也對身體冇益。奈何，那麼韌的牛肉又確實很難食，我還是喜歡食梳打滑牛多D😜。