瑞華餐廳 (已結業)

成個餐廳污糟到十年無洗過咁，一路食，一路有蚊飛黎飛去。員工態度差劣，無招待。食物質素低劣又難食，份量又少，咖啡苦澀無咖啡香，好後悔。早知寧願去對面買個3蚊麵包都好食過佢嘅梅菜薯條

今次說的不是下午茶餐 反而是一個從下午二時半起的Happy Hour 特餐價錢。很奇怪的是， 它的絲瓜肉片若加了鹹蛋，同一價錢只可成午市特餐賣到下午五點但若沒有鹹蛋的話 就可以晚市也吃得到。 這Happy Hour 餐39元配熱飲比一般茶記下午茶餐的飯類還便宜。瑞華的食物一向都不錯也不太油。大概用新鮮絲瓜所以瓜蠻爽的，肉片脆脆的。份量是足夠的。很好吃!它們也有湯飯餐，可自選材料，只是会貴9元。由於是奶茶王得主，所以檸檬茶也是好喝的。

作為香港人，間中點都會去雨茶記食個早餐歎下tea。今日去旺角番學，經過瑞華就行左入去，試下個常餐先。常餐- 沙嗲牛肉麵配熱奶茶$50一個餐有牛油豬+火腿炒蛋+沙嗲牛肉麵+熱奶茶 真係典型既港式大份常餐style😂 不過個牛油豬上枱都淋哂 有啲失望碗沙嗲牛肉麵就一般質素啦 湯底唔夠濃 但勝在牛肉算多 同埋個麵底冇淋哂 都食得過既成餐最敗筆係杯熱奶茶😭 一啲都唔濃 完全唔係茶記絲襪奶茶既水準驚喜：服務奇好 同成間茶記氣氛完全唔夾😂 例如一個睇樣以為好惡既女侍應竟然主動話「攞兩杯熱水比你地啦！」 唔錯唔錯😂

快食的選擇😋，茶記的裝修但食物一啲都唔hea😳~一個牛腩蝦球撈麵，無想像到會咁大碟🍝，牛腩超淋滑，好入味亦肥瘦適中🐮～總係相信一間賣粉麵嘅茶記假如牛腩好食的話，呢間野既其他菜式麵絕對唔會差🌝🌝🌝～蝦球大大隻好新鮮好爽🦐，重點係竟然落左一大堆蝦子，成件事考究左仲要有口感左🤤，仲有好幾條菜心互相輝映下～連埋凍飲都係50幾蚊，hea 食得黎又好味😃～好味指數😋：6.5/10翻啅指數🙆🏻：7/10人均消費💰：10-99服務態度👨🏼‍🍳：6.5/10 乾淨指數🌝：6.5/10

幫大小姐拿手機去銀城廣場維修，辦妥後，肚仔打曬鼓，繞了一圈，見到呢間茶餐廳，反正一個人食嘢，都是習慣速食完便走人，茶餐廳有我喜歡的凍啡，就呢間喇。叫了一個全日餐，有奶油豬(外脆內軟的)拼火腿奄列(蛋汁太少，煎出嚟很薄，但味道還可以的)，沙嗲牛肉公仔麵(公仔麵煮得剛好，不會淋Pat Pat,也不會硬掘掘，但牛肉就好韌，食咗一塊，其他已比我夾走曬，免得阻住我食麵)。其實，我們都知道舊式茶記的滑滑沙嗲牛是加了梳打粉才做出滑的效果，食太多梳打粉也對身體冇益。奈何，那麼韌的牛肉又確實很難食，我還是喜歡食梳打滑牛多D😜。

在旺角逛街，肚子餓了，要吃下午茶醫肚，要找間茶餐廳，隨意走來了「瑞華餐廳」。入內，食客不多，不算很有壓迫感，但就是覺得地方不夠衛生。看到下午荼餐牌，以下午餐來說不是便宜，亦隨意選吃了「蘿蔔牛腩湯河」。上桌，上湯味道普通，吃一件牛腩，是驚喜，牛腩的肉味尚濃，卻夠腍，肥膏位亦香，非常不錯，絕對比我十二月在「九記牛腩」吃過的優勝得多，什致可媲美天后的「華姐清湯腩」。吃畢牙縫間的肉碎亦不多，蘿蔔竟也鮮甜美味，唯獨河粉稍偏厚欠滑，稍差。熱奶茶則一般了，奶偏多了。以茶餐廳來說，店內環境實屬一般，地方亦不算整潔，其他食物質素如何，我不曉得，但這個牛腩河的牛腩，絕對是驚喜的好吃，以四十二元包括飲品而言的下午茶餐，讓我由原先覺得偏貴變成值得，絕對可以再吃。

一個美好嘅星期日當然唔少得個靚靚早餐今日嚟到瑞華，早餐其實都有唔少選擇見到竟然可以轉豬仔真係開心，最鍾意食豬仔早餐A, 有三塊鮑片~有誠意份量都唔少架重頭戲，奶油豬，都唔錯嘅，不過稍為淋少少，都係唔夠翠華好食最後$35 埋單～有少少唔gur佢煉奶收我$2 😂不過整體而言都正正常常嘅

葡汁焗雞扒飯 - 看完醫生肚子餓，求其走進一間餐廳吃午餐。 裏面的menu有很多張，有各式各樣的食物提供。 我選了焗飯，足足等了20分鐘。 結果來了一客飯沒有味道，雞扒也沒有味道的焗飯。 等不是問題，問題是這個焗飯不值得等， 我寧願早早焗定，有人點就加熱出菜，起馬我不用等得這樣無意義。店內燈光很暗,桌面上感覺上也不太乾淨 , 不太推介到來.

瑞華,我食左5次左右,今日先真正留意記得餐廳名,因為次次行到呢邊都記得系邊個位,完全唔洗記個名,有時經過開想坐低食下午茶,但次次都食西多士飲杯檸茶,今日同埋朋友一齊來旺角買d野,一邊行先同我地講食過附近既粉麵店已經唔系10多年前既水準,掃完街大家都想坐低再食d野,我地就帶佢試下呢度既粉麵,雖然我地未食過。朋友叫左*魚旦河,佢話好食過某兩間(雖然普普通通一間茶餐廳,但我地都無介紹錯丫)我地叫左個*咸牛肉芝士西多士 比想像中好食,西多士唔系萬年油煎炸到黑哂又乾又硬咁,咸牛肉加埋芝士,入口即溶既感覺,推介呀!! *芝士煎蛋菠蘿油 好驚喜隻煎蛋系流心蛋,一切就爆醬,菠蘿包皮甜甜地夾埋芝士煎蛋好好味呀!!(如果芝士再溶d就好喇)

間野貴唔在講50蚊個午飯，咖哩雞球個咖哩好辣好辣，但0咖哩味，個雞明顯白烚到過火，又硬又鞋，入面無味，但個汁又好辣上次食個牛腩中間已經係好凍，食完就同左收銀樓面細細聲講，叫廚房下次煮返熱先拎出黎，今次我受緊個咖哩 隔離位已經有人鬧緊個牛腩凍..

一早經過，想搵個早餐食，見瑞華對面一間普通茶餐廳既早餐價錢明顯比正正對面既瑞華平$4-$6，但見瑞華早餐係配「鬆脆牛角包」,心諗人地方包，你牛角，貴幾蚊合理丫，就入左瑞華，點知坐底左五分鐘，飲緊杯凍奶茶之際，個阿姐拎住我碟野出黎話冇牛角包，用方包ok?（霸王硬上弓）我就即刻話為個早餐有牛角包先特登入黎，冇既話早出聲，我過對面食！心諗，先九點幾，你冇既原因係入唔夠牛角定本身今日冇！跟住完全冇其他方案俾我選擇，硬食！之後眼見一直入黎食早餐既食客，嗌完餐，都未知冇牛角，到坐左幾分鐘嘆緊茶，碟野就送上，又係「冇牛角包，轉方包得嗎？」唔知呢個算唔算銷售策略之一？！正路冇牛角，我覺得你應該搵張紙貼響門口出面早餐牌上等食客知道，再唔係最少都等人嗌餐時即講，而唔係飲緊茶先硬上！雖然幾蚊雞，但完全失望，只係反映一下！$37食一個咁簡單既早餐，拜拜得啦！

今日放假出旺角行街...行哂成條波鞋街...攰攰地...就周圍睇有咩食...去到新寶戲院o個頭...見有間餐新新地...仲有個獎杯o係門口...應該ok啦...就入去試下...結果都幾好丫...^^好多平時茶餐廳冇o既野食...唔錯...下次可以再去...

平時因上堂時間問題，只係食下早餐、下午茶個日諗住試下個lunch，叫左碟滑蛋斑片飯上到黎睇落ok，一食個茨汁其實ok，但d斑片無醃過搞到碟野食勁淡，要落鹽/豉油先正常而且幾慢，再食個d滑蛋又唔滑，好老同埋好多蛋殼，好唔小心= =下次食真係唔再食佢d碟頭飯

這晚路過旺角時無意被張寫著「金鴛鴦」的banner吸引了，原來面前這間茶餐廳瑞華的鴛鴦贏過金茶王比賽，好似有點印象看過有關報道。既然已經來到店前，就入去一嚐這金鴛鴦，順便吃個晚飯吧。店內一般茶餐廳裝修，頗光猛，衛生合格。我從晚市套餐餐牌中選了咖喱牛腩飯，＄52，跟餐湯和餐飲。羅宋湯味道偏淡，很一般。但我覺得最大問題是湯的溫度不夠滾熱。咖喱牛腩飯一看已覺得杰噠噠，一吃果然。牛腩肉質頗乾，至於咖喱與餐湯同樣犯上溫度不夠熱的毛病。整個咖喱牛腩飯吃起來有點是返叮的感覺（而且又未夠熱）。有一刻想過要求店方加熱，不過後來還是免得麻煩而打消了這念頭。最後吃了數口便要放棄了。 一心來喝這裡的鴛鴦，餐茶自然不作他想點了熱鴛鴦。這杯鴛鴦順利成為了這餐的「主角」，亦是我唯一滿意的。鴛鴦熱辣辣，喝起來順滑，茶香偏重帶淡淡咖啡香。總算叫做為這餐臨尾來個好收尾，無需食到喊。

星期四22／8去食晚飯，叫左碟拿破倫意粉，我expect係有腸仔粒同蕃茄汁（之前食開都係咁）跟住嚟到，只能講係一碟黑椒豬柳炒意粉。我媽咪叫左碟海鮮炒意粉，鮮尤係硬既，仲要臭既同位waitress講，初頭都覺得佢幾好，話即刻同我地換，我見住佢攞走，之後佢自己試食，番嚟幫我地落單個時同我地講鮮尤係咁既味。我只能說...另外，我岩岩坐底冇耐就收到一碗豬扒面，我地係咁唔該唔該，個侍應就急急腳咁走。完全覺得d侍應係唔睇清楚就埋落嚟我真係唔會再去食晚飯囉