上海榮華川菜館

營業中

休息中

睇到好多好評就book枱試下啦，6個人坐近門口，非常逼，隔離仲有張放雜物嘅枱，明白餐廳開左好耐，但可以再整潔d。鱔糊，幾好送飯，不過鱔份量好小。滑蛋蝦仁，蛋好滑，唔錯。菜肉雲吞餡料好香，好食。糖醋骨嘛嘛，有d柴。炸菜肉雲吞好食，夠脆。小籠包皮唔夠薄，無爆汁。雲吞雞，好普通嘅雞湯，唔夠濃味。獅子頭好難食，林patpat，好似食緊豆腐咁。宮保雞丁，辣辣地，不過係雞柳，唔係雞丁。花雕醉雞，夠酒味，不過份量好小。鹹肉津白，正常。八寶菜最好，飲落好清甜，茶盅都好特別。埋單每人$195左右，下次未必會再黎了。