The Night Market (又一城) (已結業)

2:30pm係又一城搵下午茶既地方,有幾間都要3:00pm先有Tea Set,見呢間個餐牌都幾吸引,決定一試環境係唔錯既,同之前呢個位置既Pizza Express差唔多。價錢方面,以又一城黎計,呢個價錢算平。我地兩個人叫咗兩個下午茶餐,另加一個煎雲吞。先講珍珠奶茶,由於我個杯叫咗少甜少冰,飲落唔會好甜,恰到好處。小食叫咗一個小籠包同埋酸辣花枝羹,個羹偏酸偏辣,比街外嘅酸辣湯重口味好多,未必個個人鍾意。至於小籠包有兩隻,我就冇試到,朋友就話幾好。主食滷肉炸豬扒飯,豬扒幾鬆化,而且無骨,值得一讚👍🏻個魯肉飯就一般般,味道唔突出,喺香港要搵一間好食嘅滷肉飯相當困難至於隻蛋做到溏心嘅效果。朋友叫咗蔥油雞扒拌麵, 分量相對滷肉飯少好多。最後個煎雲吞相信係漏咗單,到我哋食完個餐隔左一陣先至嚟,而個賣相不錯,亦唔會好油。總括而言,地方好坐,唔使等位,價錢okay,味道一般。