草民 (已結業)

重臨厚福街的美食小巷，今次嚟到呢間叫草民的樓上小店。店內嘅座位唔算多，只可以坐8至10枱嘅食客左右，有部份食客要坐在類似榻榻米上人造假草皮的座位上進餐，感覺也十分新鮮，而我同朋友就坐喺一般嘅座位用餐。其中令我同友人最驚喜的菜式係淡咖喱蟹肉忌廉意大利飯，原本我地只係見到呢樣係店鋪既推介菜式而叫，但黎到食果然無令我地失望。咖喱味適中，不會太鹹或淡，飯質又保持到意大利粉應有的硬度，同蟹肉味非常配合，唯獨係份量方面十分細碟，像平日一人份量再少飯似的少。另外，我們亦叫了個令我地有點失望既小食，就係白酒煮青口，主要失望主因係份量固然少，而青口方煮得亦不太入味，只屬普普通通的質素。總括嚟講，呢到係好適合同幾個友人一齊慢慢輕食同談天說地既好地方，文青般的環境很好，但就唔適合黎追求飽滿既人士了。