明苑粉麵茶餐廳 (已結業)

同男友在附近桌球室打完波，理所當然地在附近找吃的醫下肚。在樓下就有間明苑，見上次食過下午茶都唔錯，就試埋晚餐啦！餐單上小菜的款式都有好多下，就連我最鍾意食的魚類，餐廳都劃分了一個系列出來。一般小菜都是60元左右，，加8元有一個飯，加10元再多個飲品。如果中式客餐有啱心水的，就揀它最抵，同份量包飯包飲品都是53蚊而已。所以我們就點了 馬拉盞通菜炒牛肉和 蒜蓉粉絲豆腐蒸斑片兩味菜食！賣相ok,而且大大碟，份量十足！味道還好好食潻！馬拉盞通菜炒牛肉夠馬拉，通菜又夠嫩，食落無渣，牛肉亦選用肥牛，選料上乘，自然好味啦！蒜蓉粉絲豆腐蒸斑片第一個印象是超多蒜蓉喎，如果以一瓶李錦記來說，起碼有3分之一吧！所以蒜味超濃，而粉絲如果腍小小會好食啲，不過又有豆腐又有魚肉咁，兩款都好滑溜，送飯一流！我同男友一致覺得現在還揾到一間兩個人食到飽飽又幾好食又收費咁合理的良心餐廳已經賣少見少了！