明苑粉麵茶餐廳 (已結業)

去開完深水埗想食個tea有朋友住係呢到推介左呢間茶餐廳 話幾舒服又好味 可以試下入到去環境都唔錯 同一般茶餐廳唔太乾淨嘅感覺好唔同！ 幾光又整齊企里👍🏻我地坐底叫左個下午茶餐西多士 （$30）Classic 嘅味道 好邪惡但真係好好食🤤🤤奶茶都算係幾好飲 鍾意嘅話記得要試下！坐下坐下呀媽同呀哥做完野又係附近話要一齊食 咁我地就由tea time 坐到dinner time 😂叫左4個餸🐟魚香茄子煲🐟 （$54 連飯）呢個真係5*推介🤤😍😍 上到枱個煲仲勁滾！ 好香 有小小辣 我話淨係食呢個都可以餸晒成碗飯呀😋😋😋😋🐗紅酒燴牛尾🐗 （$54 連飯）以為呢啲菜式只係大酒樓呀個啲先會有！ 本身唔知伏唔伏 但見佢做緊set dinner 跟飯同飲品 咪試下囉 點知意外地好好食！ 一樣都係上到枱仲好滾👍🏻牛尾好多肉！！ 🐗牛肉加小小酒味同🍅味好夾 🤤配菜薯仔同紅蘿蔔都好入味 諗返都覺得好好食🤤😆😆同埋呢個價錢食到呢啲 真心好抵呀 依家邊到仲有😣🐟鮮魚套餐：梅菜蒸鯇魚🐟 （$59 not sure)呢個係呀媽話要嗌嘅 都幾好食 食得出係新鮮嘅 平常都唔會用梅菜蒸 同啲魚一齊食 餸飯都相當唔錯呀😋難得係茶餐廳食到新鮮魚👍🏻 not bad !! 🥗蒜蓉炒西蘭花🥗 （$38）冇咩特別 炒得都幾好食嘅 平平地 如果要食菜可以叫呢個 haha ☺️☺️總括黎講呢間餐廳係幾唔錯☺️ 見到仲有炒蜆 聽到隔離枱叫 話好食 但今次食到好飽 下次一定要試！another must be visited again restaurant 🤤如果住係附近就好啦 好抵食 又好味 一定會成日黎☺️☺️☺️☺️…查看更多

明苑是深水埗比較平實的茶記，茶和咖啡是平實可以接受，食品水平也不錯，早餐選擇也多，但欠中式粥品，今早選了牛肉湯意和火腿太陽蛋也不錯，份量十足一定飽肚，大家可以去指教品平呀。…查看更多

同男友在附近桌球室打完波，理所當然地在附近找吃的醫下肚。在樓下就有間明苑，見上次食過下午茶都唔錯，就試埋晚餐啦！餐單上小菜的款式都有好多下，就連我最鍾意食的魚類，餐廳都劃分了一個系列出來。一般小菜都是60元左右，，加8元有一個飯，加10元再多個飲品。如果中式客餐有啱心水的，就揀它最抵，同份量包飯包飲品都是53蚊而已。所以我們就點了 馬拉盞通菜炒牛肉和 蒜蓉粉絲豆腐蒸斑片兩味菜食！賣相ok,而且大大碟，份量十足！味道還好好食潻！馬拉盞通菜炒牛肉夠馬拉，通菜又夠嫩，食落無渣，牛肉亦選用肥牛，選料上乘，自然好味啦！蒜蓉粉絲豆腐蒸斑片第一個印象是超多蒜蓉喎，如果以一瓶李錦記來說，起碼有3分之一吧！所以蒜味超濃，而粉絲如果腍小小會好食啲，不過又有豆腐又有魚肉咁，兩款都好滑溜，送飯一流！我同男友一致覺得現在還揾到一間兩個人食到飽飽又幾好食又收費咁合理的良心餐廳已經賣少見少了！…查看更多

今日到李XX泳池游吓水曬吓太陽，話敢快又到下午茶時間經過明苑見廚窗内煮麵帥父手世嘰好咁就入去試:)睇吓水牌樣樣都想食，最後叫咗碗牛根丸麵同杯熱濃寧茶:)牛根丸麵三星半麵質般但牛根丸幾弹牙不錯:)最後寧茶俾四星好有寧茶的苦竭味可以返食…查看更多

某個星期六唔想煮飯嘅週末, 只在附近找些吃的,一個隨處可見的這個名字”明苑”在尖東, 佐敦都見過同一名字, 由於並不想吃太多, 兩個人叫了一個” 窩蛋牛肉煲仔飯”來試, 鋪面的青蔥及菜芯放得挺隨意一點, 牛肉餅淺粉紅色, 咬下去好鬆身都應該落了不少肥標肉加水了,牛肉味道沒有半丁點兒, 既然無牛肉味為何不叫肉餅飯?窩蛋是有但應該都是”S”碼了,飯都算乾身, 飯焦食到尾才出現, 醬油並不太特別,不過話說回來, 現在吃一個這些普通的煲仔飯都收到40有一, 物價高漲實在令一般小市民不勝負荷, 當然自己亦見過在旺角街頭煲仔飯都升至60以上了,唯有"返屋企唷飯啦"…查看更多